| e-texts navigator |
| བོད་ཡིག |
136a1 ston na ni de'i tshe yang dag par rtag pa bsgom pa bsgom par bya'o/ /dge slong gang dag de ltar sgom pa de dag ni nga'i nyan thos yin no zhes nga zer ro/ /rgyal po'i blon po bzhin du dgongs pa'i tshig la mkhas pa yin no zhes nga zer ro/ /de ltar rgyal po'i lugs la yang
136a2 dgongs pa'i tshig yod na nga'i bstan pa la dgongs pa'i tshig ga la zhig med de/ mkhas pa mang po dag gis de ltar rig par bya'o/ /nga'i bstan pa ni 'jig rten thams cad dang mi 'thun no/ /rigs kyi bu gzhan yang dper na shing pa la sha dang / mya ngan 'tshang dang / dong
136a3 ka'i shing rnams ni char pa dkon pa'i tshe me tog kyang ngan par 'gyur/ 'bras bu yang ngan par 'gyur ro/ /chu dang thang las skyes pa'i me tog gzhan rnams kyang khrun thung ba dang / mdog ngan pa dang / gzi byin chung ba dang / dri chung bar 'gyur te/ de ltar na ma 'ongs pa'i dus
136a4 na me tog dang sman rnams gzi byin dang dri la sogs pa nyams par 'gyur ro/ /rigs kyi bu de bzhin du nga 'das pa'i 'og tu ma 'ongs pa'i dus na dus ngan pa 'byung ba'i tshe dam pa'i chos 'jig pa na sems can rnams bsod nams chung ba'i phyir char pa dkon pa'i tshe me tog gzi byin med par
136a5 'gyur ba de bzhin du yongs su mya ngan las 'das pa chen po'i mdo chen po 'di'i dgongs pa'i tshig gi tshigs su bcad pa'i don 'jig rten du brda sprod pa'i tshigs su bcad pa dang / tshig dang / tshig sil bu'i phyed tsam sprod par 'gyur ro/ /dge slong sdig can rnams kyis kyang rang la
136a6 mthu med pas dgongs pa'i tshig gsang ba'i tshigs su bcad pa bdud rtsi'i tshig rnams bor nas gzhan 'don par byed de/ rkun po dag gis phub ma khur du khyer la che ba la 'os pa'i rin po che 'dor ba bzhin du dge slong g.yel ba rnams kyang mdo 'di'i tshigs su bcad pa dgongs pa'i
136a7 tshig rnams 'dor bar byed do/ /kye ma ma 'ongs pa'i dus mchog tu 'jigs shing mchog tu skrag tu rung ba 'byung bar 'gyur ro/ /kye ma ma 'ongs pa'i sems can rnams shin tu dpal yon chung ba dag 'byung bar 'gyur te/ de dag ni mdo sde chen po 'di nyan par mi 'gyur ro/ /
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo