| e-texts navigator |
| བོད་ཡིག |
135b1 snod 'bul bar byed do/ /gang gi tshe rgyal po skyed mos tshal du 'gro ba'i tshe sen da pa zhes zer na ni de'i tshe blon pos rta yin par rig nas rta 'bul bar byed do/ /gang gi tshe rgyal po 'thab pa'i tshe sen da pa zhes zer na ni de'i tshe blon pos ral gri yin par rig nas ral gri 'bul
135b2 bar byed de/ de ltar rgyal po'i dgongs pa'i tshig rnam pa bzhi blon po rnams kyis khong du chud par 'gyur ro/ /rigs kyi bu de bzhin du theg pa chen po 'di la yang mi rtag pa rnam pa bzhi zhes bya ba yod par theg pa chen po pa blon po dang 'dra bas de bzhin du rig par bya ste/ gang
135b3 gi tshe de bzhin gshegs pa 'jig rten du byung nas sangs rgyas yongs su mya ngan las 'da'o zhes ston na ni de'i tshe theg pa chen po pas mi rtag pa ston to snyam du shes par bya ste/ mi rtag pa'i 'du shes bsgom par bya'o/ /gang gi tshe de bzhin gshegs pa dam pa'i chos nub pa
135b4 dang zhig par 'gyur ro zhes ston na ni de'i tshe sdug bsngal ston to snyam du shes par bya ste/ sdug bsngal bsgom par bya'o/ /gang gi tshe de bzhin gshegs pa dge slong rnams dang / dge slong ma rnams la/ nga'i lus nad chen po mtha' yas pas gzir to/ /dge 'dun 'jig
135b5 par 'gyur ro zhes ston na ni de'i tshe bdag med pa ston to snyam du shes par bya ste/ bdag med pa bsgom pa bsgom par bya'o/ /gang gi tshe de bzhin gshegs pa thar pa ni mtshan ma med pa dang / stong pa dang / ci yang med pa'o zhes ston na ni de'i tshe thar pa ni srid pa nyi shu rtsa lnga dang
135b6 bral ba yin no zhes ston par shes par bya ste/ de bas na stong pa zhes bya'o/ /gang gi phyir de la sdug bsngal med pas na de'i phyir sdug bsngal ci yang med pa dang / mchog tu bde ba dang / mtshan ma med pa yin no/ /gang gi phyir de la mi rtag pa dang / mi brtan pa dang / ther
135b7 zug ma yin pa dang / zhi ba'i rang bzhin ma yin pa med pas na de'i phyir thar pa ni rtag pa dang / brtan pa dang / ther zug dang / zhi ba ste de nyid de bzhin gshegs pa yin no/ /gang gi tshe de bzhin gshegs pa sems can thams cad la de bzhin gshegs pa'i snying po yod do zhes
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo