rKTs

e-texts navigator

Volume

Page

135a₁ mgar byed du bcug na de dang de lta bur byed pa de bzhin du de bzhin gshegs pas kyang srid pa nyi shu rtsa lnga dag tu gdul bar bya ba rnams ci dang ci lta bur 'dod pa de dang de lta bu'i thabs kyis gzugs mngon par sprul nas sems can rnams sgrol bar mdzad do/ /de bas
135a₂ na de bzhin gshegs pa'i sku ni mtha' yas te rtag pa yin no/ /rigs kyi bu gzhan yang dper na a mra'i shing ngam/ 'dzam bu'i shing yang rung / dus tshigs rnam pa gsum gyi dbang gis 'gyur te/ res 'ga' ni sbal mig bye ba dang lo ma kha 'bu bar 'gyur ro/ /res 'ga'
135a₃ ni lo ma rgyas shing grib ma bsil bar 'gyur ro/ /res 'ga' ni shing skam po bzhin du lo ma lhags par 'gyur na/ ji ga shing de dag shi zhes bya'am/ gsol pa/ bcom ldan 'das de ni ma lags so/ /bka' stsal pa/ rigs kyi bu de bzhin du de bzhin gshegs pa dgra bcom
135a₄ pa yang dag par rdzogs pa'i sangs rgyas nyid gdul bar bya ba'i dbang gis 'jig rten gsum du thabs kyi sku rnam pa gsum du ston par mdzad de/ skye ba lta bu dang / 'tsho zhing bzhugs pa lta bu dang / yongs su mya ngan las 'das pa lta bur ston na/ ji ga de bzhin gshegs pa mi
135a₅ rtag pa yin nam/ gsol pa/ bcom ldan 'das de ni ma lags so/ /bka' stsal pa/ rigs kyi bu de bas na de bzhin gshegs pa ni rtag pa yin no/ /rigs kyi bu de ltar na de bzhin gshegs pa'i sku dang / de bzhin gshegs pa'i dgongs pa'i tshig kyang
135a₆ shes par dka'o/ /dper na rgyal po la la zhig gis rang gi blon po la sen da pa 'on cig ces de skad bsgo na/ de la sen da pa zhes bya ba ni lan tshwa dang / skom snod dang / ral gri dang / rta rnams la bya ste/ 'di bzhi'i ming sen da pa zhes bya na/ 'di ltar ming gcig la
135a₇ don mang po yod pas/ gang gi tshe rgyal po bshos gsol ba na sen da pa zhes zer na ni de'i tshe blon pos sen da pa lan tshwa yin par rig nas lan tshwa 'bul bar byed do/ /gang gi tshe rgyal po bshos gsol zin nas sen da pa zhes zer na ni de'i tshe blon pos skom snod yin par rig nas skom

_{iiif viewer powered by OpenSeadragon}

134b - 135b

Texts on this page