| e-texts navigator |
| བོད་ཡིག |
134b1 du gru bo che 'gro ba rlung dang phrad na drang por 'gro zhing skad cig tsam gyis dpag tshad du mar 'gro la/ gal te rlung dang ma phrad na ni lo du mar yang mal gcig na 'dug pa'am/ yang na bub par 'gyur ba de bzhin du mi shes pa'i rgya mtsho chen por lhung ba'i sems can rnams kyang
134b2 yongs su mya ngan las 'das pa chen po'i mdo chen po'i rlung gi rgyal po dang phrad na ni gru bzhin du myur ba kho nar byang chub kyi pha rol tu phyin par 'gyur ro/ /gang dag mdo'i rlung gi rgyal po 'di dang ma phrad pa de dag ni gru rgya mtsho chen por bub pa bzhin du 'khor ba'i 'khor lor brlag
134b3 par 'gyur ro/ /rigs kyi bu gzhan yang dper na rgya mtsho chen po 'jigs pa'i gnas su rlung dang ma phrad na de ni shi ba nyid 'di yin no snyam ste/ dkos thag par gyur pa'i sems can rnams mi shes bzhin du rlung gi rgyal pos yud tsam gyis khyer nas de dag 'di snyam du sems te/
134b4 kye ma bdag cag thar bar gyur pa 'di ni ngo mtshar che'o snyam pa de bzhin du/ mdo chen po 'di'i mdo'i rlung gi rgyal po 'di yang mi shes pa'i rgya mtsho chen po na 'khod pa'i sems can byang chub tu sems bskyed mi dgos par 'dzin pa rnams mi shes bzhin du byang chub kyi rgyu la 'god par byed
134b5 do/ /rigs kyi bu gzhan yang dper na sbrul gyi pags pa rnying pa bor na ji ga shi ba'am/ med par song ba yin nam/ gsol pa/ bcom ldan 'das de ni ma lags so/ /bka' stsal pa/ rigs kyi bu de bzhin du de bzhin gshegs pa yang pags pa rnying pa 'dor bzhin du
134b6 thabs kyi sku dug sman gyi sdong po rnying pa spong bar mdzad pa la/ ji ga de bzhin gshegs pa mi rtag par 'gyur ram/ gsol pa/ bcom ldan 'das de ni ma lags te/ sbrul pags pa brjes pa bzhin du 'dzam bu'i gling kha cig tu thabs kyi sku gzhan bor nas thabs kyi sku gzhan ston par
134b7 mdzad lags so/ /bka' stsal pa/ rigs kyi bu de bas na de bzhin gshegs pa rtag pa yin no/ /rigs kyi bu gzhan yang dper na gser mgar gyis gser gyi 'byung gnas nas gser bzhu ste/ skyon dang bral bar gyur nas rgyan bzang po ji dang ji lta bu'i gzugs su 'dod pa'i gser
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo