| e-texts navigator |
| བོད་ཡིག |
134a1 ma rnams so/ /chu zhes bya ba ni lus 'di chu'i chu bur lta bur mi rtag pa'o/ /ri zhes bya ba ni nyon mongs pa'i rnam pa rnams la bdag med pa ste/ de bas na de bzhin gshegs pa ni lus 'di ni bdag med pa'o zhes slob par mdzad do/ /gal te dge slong rnams kyi
134a2 gsung rab yan lag dgu'i don ma mthong na ni theg pa chen po'i mchog 'di slob par mi mdzad do/ /da ni sman pa chen po bzhin du de bzhin gshegs pa'i gsung rab yan lag dgu la don gyi bya ba byas zin pa'i dge slong rnams la de bzhin gshegs pa'i snying po'i rgyud phyi ma las de
134a3 bzhin gshegs pa'i snying po rtag go zhes ston par mdzad de/ de ltar de bzhin gshegs pas yongs su mya ngan las 'das pa chen po'i mdo chen po bstan pa thos na sems bskyed mi dgos par 'dzin pa'i sems can rnams la yang byang chub kyi rgyur 'gyur te/ 'dod chen pa ni ma
134a4 gtogs so/ /rigs kyi bu de ltar na yongs su mya ngan las 'das pa chen po'i mdo chen po 'di ni de ltar bsam gyis mi khyab ste/ sman pa chen po bzhin du sman pa rnams kyi mchog tu gyur pa yin te/ mdo sde 'di ni mdo sde'i rgyal po'i mchog yin no/ /rigs kyi bu gzhan yang
134a5 gru ni sems can bsgral ba'i phyir pha rol gyi 'gram nas tshu rol gyi 'gram du 'ong zhing / tshu rol gyi 'gram nas pha rol gyi 'gram du 'gro ba de bzhin du de bzhin gshegs pa yongs su mya ngan las 'das pa chen pos yongs su mya ngan las 'das nas gru pha rol du 'gro ba bzhin du sems can
134a6 rnams sgrol du gshegs te/ gang dang gang du gdul bar bya ba rnams yod pa de dang der rdzogs pa'i sangs rgyas ston par mdzad do/ /de bas na ji ltar gru gang dang gang du sems can sgrol bar 'dod pa de dang der 'gro ba de bzhin du de bzhin gshegs pa yang de dang 'dra ste/ de bas na
134a7 mnyen pa chen po zhes bya'o/ /de nas de bzhin gshegs pa rtag pa dang brtan pa yin no/ /gru yod na mnyen pas sgrol bar byed la/ de bzhin gshegs pa rtag par yod pa dang da dung du sems can sgrol zhing skye bar 'gyur ro/ /rigs kyi bu gzhan yang dper na rgya mtsho chen po'i nang
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo