| e-texts navigator |
| བོད་ཡིག |
132b1 snyam du zug rngu 'byung bar mi 'gyur ro snyam du sems mod kyi de dag gi yid la zug rngu rnams 'byung bar 'gyur ro snyam du ji ga sems sam/ de bzhin du cig shos rnams la yang 'dod chags dang / zhe sdang dang / gti mug gi zug rngu rnams 'byung bar 'gyur ro
132b2 snyam pa'i sems med de/ de dag gi sems ni 'dod pa rnams la gnas so/ /de bzhin du pham pa byed pa rnams dang / mtshams med pa'i las byed pa sems bskyed mi dgos par 'dzin pa rnams kyi yang byang chub kyi rgyu skyed par byed de/ 'dod chen pa 'chi ba'i dus
132b3 la bab pa dang 'dra ba ni ma gtogs so/ /rigs kyi bu dper na mtshan mo mun pa'i nang na 'dzam bu'i gling pa'i sems can rnams zhing blas la sogs pa'i las bya ba la 'jug pa med de/ nyi ma 'char ba sdod cing 'khod do/ /de nas nyi ma shar ba dang zhing blas la sogs pa
132b4 byed pa 'jug go/ /de bzhin du theg pa chen po pa rnams kyis kyang mdo sde dang / ting nge 'dzin thams cad thos shing bsgoms nas zhing blas byed 'dod pa'i sems can mtshan mo sdod pa bzhin du yongs su mya ngan las 'das pa chen po'i mdo chen po'i nyi ma 'char ba sdod
132b5 do/ /de nas mdo chen po 'di las dgongs pa'i tshig thos nas dam pa'i chos kyi gnas su las rtsom par byed do/ /de nas zhing blas ji ltar byas pa la char chen po bab pas lo thog skye bar 'gyur la lo yang legs par 'gyur ro/ /de bzhin du dam pa'i chos kyi zhing
132b6 blas byas pa la de bzhin gshegs pa'i snying po'i mdo chen po'i sprin chen po las thos pa'i chos kyi char bab na rims nad rnam pa brgyad las rnam par grol ba dang / bde ba dang / lo legs pa dang / yid du 'ong bar byed pa'i lung bstan pa chen po'i lo thog skye bar
132b7 'gyur te/ dam pa'i chos pad ma dkar po'i mdo chen po las nyan thos chen po brgyad cu dpyid zla ra ba la 'bru rnams mthar thug pa bzhin du lung bstan pa chen po'i lo thog skye ba'i mthar thug pa dang 'dra bar 'gyur te 'dod chen pa ni ma gtogs so// //
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo