| e-texts navigator |
| བོད་ཡིག |
131a1 bar byed mod kyi/ pham pa byed pa rnams dang / mtshams med pa byed pa rnams ni gso bar mi nus so/ /dper na sman pa tshe'i rig byed yan lag brgyad kyi rgyud phyi ma shes pa ni sems can thams cad kyi nad gso bar byed mod kyi/ des kyang 'chi ba'i dus la
131a2 bab pa'i nad gso mi nus pa de bzhin du yongs su mya ngan las 'das pa chen po'i mdo chen po 'di yang sems can thams cad kyi nyon mongs pa'i nad thams cad bsal nas sems can rnams byang chub kyi rgyu la 'god par byed mod kyi/ 'chi ba'i dus la bab pa lta bu'i 'dod chen po
131a3 ni ma gtogs so/ /dper na dmus long gis nyi zla'i 'od kyang mi shes na gsal bar lta ga la mthong ste/ sman pa chen pos kyang mig rtul ba rnams kyis mig bcos nas mthong bar zad de/ dmus long ni ma gtogs so/ /de bzhin du yongs su mya ngan las 'das pa
131a4 chen po'i mdo chen po 'di yang long ba lta bu'i nyan thos dang rang sangs rgyas thams cad kyi mig bcos nas myur ba kho nas theg pa chen po'i mig mthong bar byed la/ pham par byed pa rnams dang mtshams med pa byed pa sems bskyed mi dgos par 'dzin pa rnams kyang byang chub
131a5 la 'god par byed mod kyi/ shin tu dmus long du 'dug pa 'dod chen pa ni ma gtogs so/ /rigs kyi bu dper na sman pa chen po tshe'i rig byed yan lag brgyad kyi rgyud phyi ma shes pa ni sman snar blugs pa dang / khong du btung ba dang / lus la bsku ba dang / dud pas
131a6 bdug pa'i las rnams kyis sems can thams cad kyi nad sel bar byed do/ /mgon med pa rnams dang bdag cag la sman mi dgos so snyam ste/ sems mi bskyed pa rnams kyang khyim dag gi nang ngam/ rtswa dag gi khrod du bzhag ste/ sngags dang / sman dang / sman
131a7 gnod sel gyi mthus dug rnams dang / nad rnams sel bar byed la/ bud med sbrum ma bu btsa' bar 'dod na btsar mi btub pa rnams kyang sman gnod sel gyi mthus bde bar btsa' bar byed la/ byis pa yang nad med par byed pa de bzhin du yongs su mya ngan las 'das pa chen
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo