| e-texts navigator |
| བོད་ཡིག |
130b1 ro/ /de ltar na sangs rgyas kyi bstan pa theg pa chen po cha phra ba yin te/ mdo sde 'di ni ka ta ka'i 'bras bu dang 'dra'o/ /rigs kyi bu dper na me tog pad ma kha zum pa nyi ma'i 'od kyis phog na kha 'bye ba de bzhin du yongs su mya ngan las 'das pa chen po'i mdo chen po 'di thos
130b2 ma thag tu byang chub kyi sems ming tsam bskyed pa yang mi dgos par 'dzin pa'i sems can thams cad kyang dbang med par byang chub kyi rgyu spu drung thams cad du 'jug par 'gyur ro/ /'dod chen pa rnams la yang de bzhin gshegs pa'i snying po yod mod kyi 'on kyang g.yogs ma
130b3 bzhin du stug por 'dug go/ /dper na dar gyi srin bu rang nyid kyis kun nas dkris te/ sgom btod par phyir 'byung mi nus pa de bzhin du de bzhin gshegs pa'i snying po yang de'i las kyi nyes pas 'dod chen pa'i khong nas dbyung bar mi nus so/ /de bas na 'khor ba'i mtha' las
130b4 byang chub kyi rgyu mi 'thob bo/ /rigs kyi bu dper na pad ma dang ud pa la dang ku mu da dang pad ma dkar po rnams 'dam gyi nang nas skyes kyang 'dam gyis mi gos pa de bzhin du mdo sde chen po 'di la yang theg pa chen po rnams nyon mongs pa dang bcas pa yin du zin kyang nyon mongs pa med pa'i grangs
130b5 su gtogs so/ /ci'i phyir mi gos zhe na/ de bzhin gshegs pa'i snying po'i byin gyi rlabs kyis mi gos so/ /dper na ser bu bsil ba langs pa'i tshe dbang med par sems can thams cad kyi spu drung thams cad du zhugs nas tsha ba thams cad zhi bar byed pa de bzhin du mdo chen po 'di
130b6 yang sems can thams cad kyi spu drung thams cad du zhugs nas dbang med par byang chub kyi rgyu la 'jog par byed de/ 'dod chen pa sems bskyed pa dgos par mi 'dzin pa ni ma gtogs so/ /rigs kyi bu dper na sman pa tshe'i rig byed yan lag brgyad la mkhas pa ni nad pa
130b7 thams cad gso bar byed mod kyi/ gsor mi rung ba ni gso bar mi nus pa de bzhin du mdo sde dang ting nge 'dzin thams cad kyang 'dod chags dang / zhe sdang dang / gti mug gi nad kyis thebs pa thams cad gso bar byed la/ nyon mongs pa'i zug rngu thams cad kyang sel
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo