rKTs

e-texts navigator

Volume

Page

130a₁ pa song na tshig pa bzhin/ /'dod chen pa long ba gcig pu dgra bcom pa yin par 'dod pa ni lam mi zad pa chen por 'gro 'dod do/ /byams pa dang ldan pa'i dgra bcom pa yin par 'dod la shin tu rgyas pa sun dbyung bar 'dod de/ dgra bcom pa
130a₂ yin par 'dod cing nyan thos kyi theg pa sun phyung nas nga ni byang chub sems dpa' ste/ shin tu rgyas pa ston pa yin no/ /sems can thams cad la de bzhin gshegs pa'i snying po'i yon tan rnams yod do/ /sangs rgyas yod do zhes zer zhing sangs rgyas su lung ston par
130a₃ byed de/ nga dang khyed kyis nyon mongs pa'i rnam pa chu'i bum pa bzhin du gzhom par bya'o/ /the tshom med par byang chub bsgom par bya ste/ mdo sde'i man ngag ni de lta bu yin no zhes zer ro/ /dper na rgyal po'i pho nya gtsang zhing snying nye la smra mkhas shing gzi byin che ba/
130a₄ dgra'i nang du rang gi srog dang bsdos te rgyal po la tshig rdzogs par smra ba de bzhin du shes rab can shin tu rgyas pa gces par 'dzin pa ni byis pa rnams kyi nang du rang gi srog dang bsdos nas sems can thams cad la de bzhin gshegs pa'i snying po yod pas sangs rgyas su lung
130a₅ ston par byed do/ /dgon pa pa mdo sde spong ba/ byis pa blun po dgra bcom pa yin par 'dod pa gang yin pa de la dgra bcom pa dang 'dra bar lta zhing sems can chen po dang 'dra bar lta ste/ 'dod chen pa dge slong sdig can de dgon pa na gnas shing bdag nyid dgra bcom pa dang
130a₆ 'dra bar rtsi bar byed de/ dgon pa na gnas pa'i dge slong rnams gzhan gyis bos pa mi bzod la rkyen bzhi las shin tu rgyas pa ni bdud kyis smras pa yin no/ /bcom ldan 'das ni mi rtag go/ /chos dang dge 'dun yang med par 'gyur ro/ /dam pa'i chos med par 'gyur
130a₇ ba'i ltas de lta bu dag kyang snang ngo zhes bya ba 'di theg pa chen po las legs par bshad do zhes zer te/ de skad du dam pa'i chos ma yin par smra ba ni 'o ma bzhin du mod la ldang bar mi 'gyur te/ me thal bas bkab pa la bab pa bzhin du byis pa 'dod chen pa rnams phyis tshig par 'gyur

_{iiif viewer powered by OpenSeadragon}

129b - 130b

Texts on this page