rKTs

e-texts navigator

Volume

Page

12b₁ tshe 'byung po'i tshogs pa ba sangs ltar 'khor ba zhes bya ba la sogs pa gang gA'i klung bye ba phrag stong gi bye ma snyed snga ma bzhin du phyogs gcig tu 'khod do/ /gzhan yang de'i tshe 'jig rten skyong ba bzhi'i lha'i bu gang gA'i klung bye ba phrag 'bum dang lhan cig tu mchod pa
12b₂ snga ma'i nyis 'gyur nyis 'gyur bas lhag pa dag khyer nas/ bcom ldan 'das la phyag 'tshal te/ zhal zas bzhes par gsol ba btab kyang / bcom ldan 'das kyis ma bzhes nas/ snga ma bzhin du phyogs gcig tu 'khod do/ /gzhan yang de'i tshe rlung lha bzhi
12b₃ rlung gtong ba'i lha gang gA'i klung bye ba phrag 'bum dang lhan cig tu dus ma yin par yang shing ljon pa dang / 'khri shing dang / shing gel pa dang / nags ma rnams dang / snye ma dang / me tog gi 'khri shing dang / byi ru rnams kyis sa phyogs rgyan par byed cing / dus
12b₄ tshigs thams cad kyi me tog gi dpal rnams phyogs su rgyas par byed la/ lo ma kha 'bus pa/ rtsa ba dmar ba rnams kyis shing sA la zung nyi ma 'char ka'i 'od zer ser po ja hong khar 'dug pa bzhin du byas nas/ mchod pa snga ma'i nyis 'gyur bas lhag pa'i mchod
12b₅ pa dag khyer te/ bcom ldan 'das la mchod pa byas nas/ snga ma bzhin du shing sA la zung gi drung du 'khod do/ /gzhan yang de'i tshe char pa 'bebs pa'i lha gang gA'i klung gi bye ma snyed sprin chen po dang / chu skyar rnams phyi bzhin 'brang zhing glog 'gyu ba'i gseb nas
12b₆ rma bya'i mgrin pa ltar mdog sngo ba'i char gyi rgyun 'bab la/ 'brug sgra dal nas sgrogs pa'i sprin dang ldan pas char zim bu bsil ba dang 'dres pa'i me tog gi char 'bebs shing / bcom ldan 'das la phyag 'tshal te/ zhal zas ma bzhes nas re thag chad de/ de bzhin
12b₇ gshegs pa'i gdung zhugs la bzhen pa'i me bsad pa'i phyir nam mkha' nyid la 'khod do/ /gzhan yang de'i tshe spos kyi glang po sgra gcan dang / lung tang mdog dang / sbrang rtsi mdog sel dang / 'dod dgu'i spos ldan la sogs pa spos kyi glang po gang gA'i klung nyi shu'i

_{iiif viewer powered by OpenSeadragon}

12a - 13a

Texts on this page