| e-texts navigator |
| བོད་ཡིག |
129b1 mkhas pa brtan po rnams/ /lam po che na 'du byed yod pas 'jigs/ /byis pa rnams ni lam chen 'jigs pa med/ /nga rgyal dbang gis mi bzad 'gro bar 'gyur/ /des na blo ngan rnams kyis de mi thob/ /spre'u rnams zla ba snyab par byed pa bzhin/ /mi
129b2 yi dbang po lam chen zhugs pa ltar/ /mkhas pa brtan po rnams kyis thob par 'gyur/ /gang gis byas pa mi mthong zhe na/ 'dod chen pa sdig can gyis byas pa mi mthong ste/ des 'khor ba'i mtha'i bar gyi byas pa mi mthong ngo / /ngas de'i don mdor bsdus te bstan
129b3 gyi/ mchog tu 'jigs su rung bas 'jigs par gyis shig /gang gi tshe sems can thams cad sems rtse gcig tu 'thun par gyur te bla na med pa yang dag par rdzogs pa'i byang chub mngon par rdzogs par 'tshang rgya bar 'gyur srid na/ de'i tshe 'dod chen pa sdig can
129b4 byang chub mchog tu mngon par rdzogs par 'tshang rgya yang srid pa zhig na/ de ni byas pa mi mthong ba yin te/ dpa' bo khyod kyis de ltar shes par gyis shig /su'i byas pa chud mi za zhe na/ de bzhin gshegs pa'i byas pa chud mi za'o/ /gang gi tshe 'khor ba na
129b5 gnas pa'i sems can thams cad bla na med pa yang dag par rdzogs pa'i byang chub mngon par rdzogs par 'tshang rgya ba de'i tshe de bzhin gshegs pa'i byas pa chud za bar 'gyur te/ de'i tshe gtan du yongs su mya ngan las 'das pa yongs su mya ngan las 'das nas mar me
129b6 dang shing zad pa'i me bzhin du sangs rgyas mi rtag par 'gyur ro/ /de bzhin du 'dod chen pa'i sdig pa'i las kyang smad pa dang bshung ba yin no/ /byang chub kyi rgyu'i bsod nams gang yin pa de gal te byang chub sems dpa' spong bar byed na de yang theg pa chen po la smod pa
129b7 dang bshung ba zhes bya'o/ /de ste mi spong na ni de lta na rdzogs pa'i sangs rgyas zhes bya ba'i ming thogs par 'gyur te/ de ni sangs rgyas rnams kyi chos nyid yin no/ /'o ma dang ni sdig pa'i las/ /mod la ldang bar mi 'gyur te/ /me na thal bas g.yogs pa la/ /byis
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo