rKTs

e-texts navigator

Volume

Page

129a₁ bal gyi shing dang / bal mi ki dang / kar na bal l+ya dang / skan da sta ba dang / ke ta ki dang / pad tra ka dang / bi ra na dang / ro tsa na rnams ni bcad de dum bur gtubs nas khyer te khyim du bzhag kyang gal te chu'i rlan dang phrad phan cad myur du skye bar 'gyur te/
129a₂ lo ma kha 'bu ba dang / snye ma dang ldan zhing yal ga dang sdong bu dang ldan te shing ljon pa zhes bya ba'i grangs su gtogs par 'gyur ro/ /de bzhin du bstan pa 'di la yang pham pa byed pa rnams dang / mtshams med pa byed pa rnams shing ta la'i mgo bcad pa bzhin du gyur pa las/
129a₃ mdo sde 'di thos ma thag tu sems bskyed pa dgos par mi 'dzin gyis kyang mi mchog de dag ni shing sa la ki dang / dong ka'i shing la sogs pa bzhin du byang chub tu 'khrung bar 'gyur ro/ /dper na seng ldeng dang tin du ka'i shing ljon pa rnams ni bcad phan cad sa bon tshig pa bzhin du
129a₄ skye bar mi 'gyur ba de bzhin du 'dod chen pa'i sems can rnams kyis kyang mdo sde 'di lan mang du thos kyang sa bon tshig pa bzhin du byang chub tu 'khrung bar mi 'gyur ro/ /dper na sprin chen po las char bab tu zin kyang sa phyogs byil por 'dug pa la chu mi chags pa bzhin
129a₅ du mdo sde chen po'i sprin 'di las chos kyi char 'bab mod kyi 'dod chen pa la byang chub kyi rgyu mi 'chags te/ de ni rdo rje bzhin du byil por 'dug pa'i phyir ro/ /'dod chen pa rnams kyis ni dge ba byas pa ni mi mthong gi/ smad pa dang / bshung ba'i sdig pa gang yin pa ni
129a₆ mthong ngo / /legs par byas pa ni byang chub kyi don to/ /mi 'ong ba ni mi phrad pa'i don to/ /dgongs pa ni dge ba'i don to/ /dgongs pa las khyad par du 'phags pa'i dge ba su la mi 'ong zhe na/ las bzang po ni 'dod chen pa la mi 'ong ngo / /dge ba'i sems su la mi 'ong zhe
129a₇ na/ 'dod chen pa zhes grags pa ni dge ba med pa'i sems can nga rgyal gyi dbang du gyur pa yin te/ 'dod chen pa de la mi 'ong ngo / /gzhi'i yan lag ci zhe na/ mdo sde spong ba'o/ /de bas na mdo sde spong ba ni 'jigs su rung ba yin te/ des 'jigs par gyis shig /de yi phyir na

_{iiif viewer powered by OpenSeadragon}

128b - 129b

Texts on this page