| e-texts navigator |
| བོད་ཡིག |
128b1 sman kho na yin te nad thams cad sel bar byed do/ /rigs kyi bu de bzhin du yongs su mya ngan las 'das pa chen po'i mdo chen po 'di yang sems can thams cad kyi sdig pa'i las kyi nad rnams sel bar byed de/ pham par byed pa rnams kyang rung / mtshams
128b2 med pa byed pa rnams kyang rung / 'di las phyi rol pa rnams kyang rung ste/ byang chub dgos par mi 'dzin cing sems ma bskyed kyang byang chub kyi rgyu skyed par byed do/ /de ci'i phyir zhe na/ sdig pa thams cad kyi dug sman gyi sdong po'i sman ni yongs su mya ngan las
128b3 'das pa chen po'i mdo chen po yin pa'i phyir ro/ /lus bsgos pa rnams kyang rung / lus ma bsgos pa rnams kyang rung ste/ mdo sde 'di'i ming tsam thos na yang mdo sde 'di ni yod do snyam du shes na sdig pa'i nad thams cad 'byang bar 'gyur ro/ /gsor mi
128b4 rung ba'i nad a narga la zhes bya ba de ni ji ltar byas kyang gsor mi rung ngo / /de ci'i phyir zhe na/ de ni 'chi bar 'gyur ba'i nad yin pa'i phyir te/ dus ma yin par 'chi ba'i nad ma yin no/ /de bzhin du 'dod chen pa yang mdo sde 'dis byang chub tu gzhog par mi
128b5 nus te/ de ni rgyu med pa dang shi ba yin pa'i phyir ro/ /dper na lag mthil rma med pa la dug gis mi tshugs la rma yod pa la ni dug gis tshugs par 'gyur ba de bzhin du/ 'dir yang 'dod chen pa la byang chub kyi rgyu mi skye'o/ /de la rma zhes bya ba ni byang chub kyi
128b6 rgyu'o/ /dug ces bya ba ni mchog tu bde ba'o/ /lag mthil rma med pa lta bu ni 'dod chen pa sdig can yin no/ /dper na rdo rje rin po che gzi byin chen po ni cis kyang gcag mi nus la sna grangs gzhan thams cad ni des choms par 'gyur mod kyi lug ru ni mi chod do/ /de
128b7 bzhin du yongs su mya ngan las 'das pa'i mdo chen po 'dis kyang shin tu sdig pa'i las byed pa 'dod chen pa ni byang chub tu gzhag par mi nus te/ rgyu med pa'i phyir rdo rjes lug ru la mi tshugs pa bzhin no/ /dper na shing sa la ki dang / dong ka'i shing dang / ka na ga pra b+ha dang / shing
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo