| e-texts navigator |
| བོད་ཡིག |
128a1 kyang myu gu skye bar mi nus te/ de dag las myu gu 'byung mi srid do/ /de bzhin du 'dod chen pa rnams kyis yongs su mya ngan las 'das pa chen po 'di thos su zin kyang byang chub kyi rgyu thob mi srid de/ de dag ni dge ba'i rtsa ba zad pa yin
128a2 pa'i phyir sa bon tshig pa dang 'dra'o/ /rigs kyi bu dper na ka ta ka'i 'bras bu chu rnyog pa can gyi nang du bcug na rnyog pa bsal te chu dang bar byed pa de bzhin du yongs su mya ngan las 'das pa'i mdo chen po 'di yang ka ta ka'i 'bras bu bzhin du sems can rnams
128a3 kyi pham pa rnams dang / mtshams med pa'i las rnams kyi las kyi 'dam rdzab dang rnyog pa bsal nas byang chub kyi rgyu la 'god par byed de/ 'dod chen pa ni ma gtogs so/ /ka ta ka'i 'bras bus kyang rnyog pa dang bar byed par zad kyi/ lo stong
128a4 gi bar du bdar du zin kyang 'dam rdzab de las chu dbyung ba ni mi nus so/ /de bzhin du 'dod chen pa yang dge ba'i rtsa ba zad cing gzhi med par 'gyur ba yin pas de ni yongs su mya ngan las 'das pa chen po 'di lo bye bar thos su zin kyang byang chub kyi rgyu skyed par
128a5 yang ye mi nus te/ de la dge ba med pa'i phyir ro/ /rigs kyi bu dper na dug sman gyi sdong po sman gyi rgyal po chen po ni dar ba'am/ bu ram mam/ zhun mar ram/ 'o ma'am/ chu dang sbyar ram/ phye'am/ lde gu'am/ thug par byas sam/ kha bskus
128a6 sam/ dud pas bdugs sam/ mig bskus sam/ dri tshor ram/ mthong ngam/ reg par gyur kyang rung ste/ sems can thams cad kyi nad sel bar byed la/ shing ljon pa de 'di snyam du bdag gi lo ma khyer na rung ngo / /rtsa ba khyer na mi rung ngo snyam pa'am/
128a7 bdag gi rtsa ba khyer na rung ngo / /lo ma khyer na mi rung ngo snyam pa'am/ sdong bu khyer na rung ngo / /shun pags khyer na mi rung ngo snyam pa'am/ shun pags khyer na rung ngo / /sdong bu khyer na mi rung ngo snyam du mi sems te de de ltar sems mi skyed mod kyi/ 'on kyang de ni
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo