rKTs

e-texts navigator

Volume

Page

126a₁ mod kyi/ gzhi gsum med par yang mi 'gyur la rtag pa dang brtan pa dang ther zug par 'dug bzhin du nyes pa rnams kyis kyang gos par mi 'gyur ba 'di ni sangs rgyas rnams kyi chos nyid do/ /rigs kyi bu dper na zla ba yar gyi ngo yang ma yin/ mar gyi ngo yang ma yin
126a₂ pa gnam stong gi nyin par nyi ma dang zla ba med pa'i skabs su gza' mjug gzi brjid drag po dang ldan pa zhes bya ba shar nas 'jig rten thams cad kyis ma tshor bar skad cig gcig kho na la mi snang bar 'gyur ro/ /rigs kyi bu de bzhin du rang sangs rgyas rnams kyang sangs rgyas
126a₃ rnams mi bzhugs pa'i tshe gnam stong gi nyin par gza' mjug 'char ba bzhin du byung nas sems can bye ba phrag mang po dam pa'i chos la bkod nas mi snang bar 'gyur la/ mjug rtag tu yod de sems can rnams kyis ni mthong bar mi nus so/ /de bzhin du
126a₄ rang sangs rgyas rnams kyang rtag tu yod bzhin du de dag sems can rnams kyis mthong bar mi nus te/ bdag nyid yang dag par ston cing mi mngon par byed pa 'di ni de dag gi chos nyid do/ /rigs kyi bu dper na nyi ma shar na lho bur med par 'gyur ba de bzhin du yongs su mya ngan
126a₅ las 'das pa chen po'i mdo chen po 'di byung na thos pa tsam gyis kyang pham pa rnams dang / mtshams med pa'i las rnams kyi sdig pa'i phung po myur du med par 'gyur ro/ /de ltar na yongs su mya ngan las 'das pa chen po'i mdo chen po bsam gyis mi khyab pa'i yul 'di ni de bzhin
126a₆ gshegs pa'i snying po ston pa yin pa'i phyir dpag tu med do/ /de bas na rigs kyi bu'am rigs kyi bu mo rnams kyis de bzhin gshegs pa rtag go/ /dam pa'i chos nub par mi 'gyur ro/ /dge 'dun med par mi 'gyur ro snyam du mdo'i shes pa la de ltar brtson par bya'o/ /de ltar byas kyang de
126a₇ dag kyang nga dang 'dra bar sangs rgyas kyi gnas su gson par 'gyur ro/ /gsol pa/ bcom ldan 'das byang chub sems dpa' sems dpa' chen po rnams ji lta bu lags/ bka' stsal pa/ sems bskyed pa yang rung / sems ma bskyed pa yang rung ste/ byang chub sems dpa' sems

_{iiif viewer powered by OpenSeadragon}

125b - 126b

Texts on this page