rKTs

e-texts navigator

Volume

Page

124b₁ tu de bzhin gshegs pas las de btsan par mdzad par dgongs te de bzhin gshegs pa la ngan sems kyis khrag phyung ba na/ mi de'i sems thugs su chud nas mtshams med pa'i las yang dag par ston par mdzad do/ /de ltar na de bzhin gshegs pa ni ma 'ongs pa'i
124b₂ don gyi phyir las kyi rnam par dbye ba ston par mdzad do/ /dper na sman pa la la zhig gis rang gi bu la rtsa ba'i ming gi rnam grangs slob par byed de/ 'di ni rtsa ba lnga'o/ /'di ni kha ba'o zhes rtsa ba'i rnam par dbye ba dag gi sgo nas ngo ston par byed de/ khye'u des kyang de ltar bslabs
124b₃ nas rtsa ba'i rnam par dbye ba shes par gyur la/ de nas sman pa de shi nas khye'u de na re/ kyi hud pha cig kyi hud pha cig khyod kyis bdag rtsa ba'i rnam par dbye ba bslabs te rtsa ba 'di ni 'di 'dra'o/ /lo ma ni 'di 'dra'o zhes de skad zer ba de bzhin du de bzhin gshegs pas
124b₄ kyang bslab pa'i gzhi thams cad kyi sprul pa sprul par mdzad de/ gsor rung ba dang / gsor mi rung ba dang / mtshams med pa dang / mdo sde spong ba dang / 'dod chen pa'i mtha' rnams ston par mdzad de/ ma 'ongs pa'i dus na 'di lta bur 'gyur ro zhes bya ba'i don
124b₅ to/ /de nas de bzhin gshegs pa yongs su mya ngan las 'das nas dge slong rnams kyis sman pa'i bu bzhin du de bzhin gshegs pas mdo sde las 'di skad ces bka' stsal te/ las 'di ni 'di yin no snyam du shes so/ /dper na zla ba la gza' 'jug pa na mi
124b₆ rnams kyis ni zla ba drug cing zla ba la gza' 'jug par shes so/ /steng gi lha rnams kyis ni nyin gcig bzhin du zla ba la gza' 'jug pa shes te/ ci'i phyir zhe na/ de dag gi lo tshigs ring la mi rnams kyi lo tshigs thung ba'i phyir ro/ /rigs kyi bu de bzhin du lha
124b₇ rnams dang mi rnams kyis ni de bzhin gshegs pa sku tshe thung ngo snyam du 'dzin to/ /ji ltar lha gong ma gong ma rnams kyis skad cig skad cig la zla ba la gza' 'jug par 'dzin pa de bzhin du/ lha gong ma gong ma rnams kyis skad cig skad cig la de bzhin gshegs pa

_{iiif viewer powered by OpenSeadragon}

124a - 125a

Texts on this page