rKTs

e-texts navigator

Volume

Page

124a₁ ni thams cad du skye ba ston pa'i phyir skyes pa'i rabs kyi zla ba zhes bya'o/ /de bas na de bzhin gshegs pa rtag pa dang brtan pa yin no/ /rigs kyi bu gzhan yang dper na zla ba dang lha ma yin gyi dbang po sgra gcan phrad pa'i tshe 'jig rten pa rnams kyi zla ba
124a₂ gzas zin to snyam du 'dzin te/ sgra gcan ni zla ba la 'dzin par yang mi byed la/ des ni de la za bar yang mi nus te sgra gcan gyi lag pas zla ba bsgribs nas 'od mi snang bar byed par zad de/ zla ba la rma yang med/ nyon mongs pa yang med do/ /ji tsam du sgra gcan gyi lag pas
124a₃ zla ba bkab pa de tsam du zla ba'i 'od mi snang bar 'gyur la/ sgra gcan gyis zla ba btang ba'i tshe ni kha nas byung ba lta bur snang ste/ mi rnams kyis zla ba ni sdug bsngal zhing 'dug go snyam du 'dzin to/ /zla ba ni rang bzhin kho nar 'dug bzhin du bdag nyid sgra gcan dang lhan cig
124a₄ 'dug par ston te/ 'di ni 'jig rten gyi chos nyid do/ /sgra gcan bye ba snyed kyis kyang zla ba gsad pa'am gzhig par mi nus te zla ba rang nyid de ltar ston to/ /de bzhin du de bzhin gshegs pa dgra bcom pa yang dag par rdzogs pa'i sangs rgyas nyid zla ba lta bur ston
124a₅ par mdzad de/ ma 'ongs pa'i dus kyi don du ngan sems kyis khrag phyung ba'i mtshams med pa'i las bstan pa'i phyir de la sogs pa'i 'dod chen pa'i mtha' dang dge 'dun gyi dbyen gyi chos tha dad pa yang ston par mdzad do/ /de bzhin gshegs pa'i sku la ni bdud bye ba phrag
124a₆ 'bum gyis kyang khrag dbyung bar mi nus la/ de bzhin gshegs pa'i sku la ni khrag dang / rus pa dang / rgyus pa yang med de/ sdug bsngal ba'i bag kyang med do/ /sems can rnams kyis ni gzhi gsum ma rung ngo / /de bzhin gshegs pa la rma byung ngo snyam du
124a₇ 'dzin to/ /de bzhin gshegs pa ni rang bzhin kho nar bzhugs mod kyi/ de ltar 'jig rten dang 'thun par ston to/ /'di lta ste/ mi la las mi zhig la 'breng pa'am/ dbyug pas bsnun te khrag phyung ba'am/ gsad pa'i sems kyis de bsad nas/ de'i 'og

_{iiif viewer powered by OpenSeadragon}

123b - 124b

Texts on this page