rKTs

e-texts navigator

Volume

Page

123a₁ ba phyed par 'dzin to/ /de nas tshes lnga yin no snyam ste zla ba nya bar 'dzin to/ /kha cig gis ni zla ba phyed yin par 'dzin te/ zla ba ni phyed du 'gyur zhing 'char ba yang med/ ltung ba yang med de/ zla ba ni ri rab kyi rkyen gyis de ltar snang ngo / /rigs
123a₂ kyi bu de bzhin du de bzhin gshegs pa dgra bcom pa yang dag par rdzogs pa'i sangs rgyas kyang 'dzam bu'i gling la lar ni yongs su mya ngan las 'da' ba lta bur snang ste/ sems can rnams kyis de bzhin gshegs pa yongs su mya ngan las 'das so snyam du 'dzin to/ /
123a₃ 'dzam bu'i gling la lar ni zla ba tshes pa bzhin du skye ba lta bur snang ste/ sems can rnams kyis khye'u 'di skyes so snyam du 'dzin to/ /zla ba tshes gnyis dang 'dra bar ni lha'i thad du 'gro bar 'dzin to/ /zla ba tshes gsum dang 'dra bar ni yi ge slob pa'i sar 'gro bar 'dzin
123a₄ to/ /zla ba tshes brgyad lta bur ni rab tu 'byung bar ston to/ /zla ba nya ba lta bur ni 'od kyis mun pa bsal ba bzhin du bdud bye ba snyed brlag nas lam mer bzhugs so/ /zla ba nub pa lta bur ni yongs su mya ngan las 'da' bar ston te/ zla ba gza' rnams kyis bskor ba
123a₅ bzhin du mtshan sum cu rtsa gnyis dang dpe byad bzang po brgyad cus brgyan to/ /der kha cig gis ni lhung bar 'dzin/ kha cig gis ni skye bar 'dzin la skyes pa yang med/ 'gags pa yang med de/ de bzhin gshegs pa ni zla ba nya ba bzhin du dus thams cad du rtag pa yin
123a₆ no/ /de bas na de bzhin gshegs pa rtag pa dang brtan pa zhes bya'o/ /dper na zla ba ni thams cad du snang ste/ chu dang dgon pa dang khyim dang grong khyer dang / chu ra chus gang ba rnams dang / khron pa dang / gzhan yang dpag tshad stong srid du yang rung sems can
123a₇ rnams gang du 'gro ba de dag thams cad du snang ste/ der byis pa rnams kyis yid la zla ba 'di ni bdag kho na'i phyi bzhin 'ba' zhig tu 'ong ngo snyam du 'dzin to/ /gang gi tshe khyim gyi nang du mthong ba de'i tshe ni da ni 'di na snang na de zla ba 'di de nyid yin nam/ 'on te gzhan

_{iiif viewer powered by OpenSeadragon}

122b - 123b

Texts on this page