rKTs

e-texts navigator

Volume

Page

122b₁ gal te de bzhin gshegs pa mya ngan las ma 'das na ni da dung mya ngan mnga' ste/ rdzogs par sangs ma rgyas pa zhes bgyi'o/ /bka' stsal pa/ rgyu yod de gang na gdul bar bya ba rnams yod pa der ni rdzogs pa'i sangs rgyas snang ste der skye ba lta bur ston to/ /de bas na de
122b₂ bzhin gshegs pa ni rtag pa yin te sangs rgyas bya bzhad dang zal mo lta bu zhes bya'o/ / //bam po bcu gcig pa/ rigs kyi bu dper na zla ba ni nyin par snang ba na kha cig tu ltung ba lta bur snang ste/ de nas sems can rnams kyis zla ba lhung ngo snyam du
122b₃ 'dzin to/ /zla ba ni med par mi 'gyur te/ gling gzhan du 'char bar 'gyur la der yang zla ba skyes pa med do/ /sems can rnams kyis ni zla ba shar to snyam du 'dzin te/ zla ba ni ltung ba lta bur snang yang 'jig par mi 'gyur la 'char ba lta bur snang yang skye ba med de/ ri'i
122b₄ rgyal po ri rab kyis bsgribs pas mi snang bar zad la/ zla ba ni rang bzhin gyis skyes zin pa yin te snang byed rnams kyi chos nyid ni de yin no/ /de bzhin du de bzhin gshegs pa dgra bcom pa yang dag par rdzogs pa'i sangs rgyas kyang stong gsum gyi stong chen po'i 'jig
122b₅ rten gyi khams na 'dzam bu'i gling la lar ni pha ma phrad pa las skyes par yang snang ste sems can rnams kyis skyes so snyam du 'dzin la/ de bzhin gshegs pa la ni skyes pa med do/ /'dzam bu'i gling la lar ni yongs su mya ngan las 'da' ba lta bur snang la de bzhin
122b₆ gshegs pa la ni 'chi ba med do/ /sems can rnams kyis ni shi'o snyam du 'dzin te/ de bzhin gshegs pa ni lhung ba skye ba lta bur snang yang skye ba yang med/ 'chi ba yang med do/ /gdul bar bya ba'i dbang gis ni zla ba bzhin du yang rgyu bar mdzad do/ /zla
122b₇ ba ni gling kha cig tu zla ba nya ba yongs su rgyas pa lta bur snang ste sems can rnams zla ba nya'o snyam du 'dzin to/ /zla ba ni gling kha cig tu yi ge ta 'dra bar zla ba tshes par yang snang ste 'dzam bu'i gling pa rnams kyis deng zla ba tshes gcig yin no snyam du 'dzin to/ /de nas zla

_{iiif viewer powered by OpenSeadragon}

122a - 123a

Texts on this page