rKTs

e-texts navigator

Volume

Page

121a₁ dang / med ces bya bar rtogs par mi nus te/ /de bzhin gshegs pa ni mya ngan dang bral ba yin no/ /dma' bas ni dma' ba shes kyi dma' bas ni 'bring mi shes so/ /'bring gis ni 'bring shes kyi 'bring gis ni rab mi shes so/ /rab kyis ni dma'
121a₂ ba dang / 'bring dang / rab rnams shes so/ /nyan thos dang rang sangs rgyas rnams kyis ni rang gi sa'i bdag shes par zad do/ /sangs rgyas rnams kyis ni thams cad thugs su chud de/ de bas na yang dag par rdzogs pa'i sangs rgyas rnams ni ye shes sgrib pa mi
121a₃ mnga' ba zhes bya'o/ /de ltar na lha'i yul dang sa'i steng dag tu sgyu ma rnam pa sna tshogs ston to/ /de ltar sangs rgyas bcom ldan 'das rnams ni 'jig rten dang 'thun par ston to snyam du shes nas sha'i mig dang ldan pa'i byis pa rnams kyis kyang thogs pa med pa'i ye shes
121a₄ thob par bya ba'i phyir mkhas pa'i shes pa la gnas par bya'o/ /de ltar na mya ngan dang mya ngan med pa zhes bya ba ni rdzogs pa'i sangs rgyas kyis brtags pa yin gyi byis pa rnams kyi yul ma yin no/ /de bas na chos kha cig ni bdag yod la chos kha cig ni bdag med de/
121a₅ 'di ni zal mo lta bur bstan pa yin no/ /rigs kyi bu gzhan yang sangs rgyas kyi spyod yul bya bzhad gzas la 'gro ba lta bu bstan par bya ste/ dper na bya bzhad rnams dang zal mo rnams ni dbyar chu klung rnams kyi chu shin tu brug pa'i tshe rang gi sgo nga'i tshis bya ba'i phyir
121a₆ thang ga las gzhi brtan por gnas 'cha' bar byed la/ spyod yul gang yin pa der 'dong bar byed de de ni de dag gi chos nyid do/ /de bzhin du de bzhin gshegs pa dgra bcom pa yang dag par rdzogs pa'i sangs rgyas kyang skyes nas sems can bye ba phrag mang po dam pa'i chos
121a₇ la bkod de/ bzhad dang zal mo bzhin du gdul bar bya ba ji snyed yod pa de dag gi don rnams byas zin nas gdul bar bya ba gzhan dag ga la yod pa der snang bar gyur to/ /de ltar na chos kha cig ni sdug bsngal la chos kha cig ni bde zhes bya ste/ 'du byed gang yin pa de dag

_{iiif viewer powered by OpenSeadragon}

120b - 121b

Texts on this page