| e-texts navigator |
| བོད་ཡིག |
120a1 pa bsgoms pa'i 'bras bu yongs su mya ngan las 'das pa chen po'i mdo chen po 'di sems can rnams kyis ma thos kyi bar du ni mi rtag pa'i khongs su 'dus so/ /mdo sde rin po che 'di thos nas ni rigs kyi bu'am/ rigs kyi bu mo rnams nyon mongs
120a2 pa dang bcas pa yin du zin kyang nyon mongs pa med pa'i khongs su 'dus la/ sems can thams cad la yang phan 'dogs par 'gyur te/ ci'i phyir zhe na/ bdag la de bzhin gshegs pa'i snying po yod par shes pa'i phyir ro/ /mchog tu rtag par
120a3 shes nas kyang de dag 'jug par 'gyur ro/ /rigs kyi bu gzhan yang dper na chu klung thams cad ni rgya mtsho'i khongs su 'dus so/ /rigs kyi bu de bzhin du mdo sde thams cad dang / ting nge 'dzin thams cad dang / theg pa chen po ni yongs su mya ngan las
120a4 'das pa chen po'i mdo sde 'di'i khongs su 'dus so/ /ci'i phyir zhe na/ 'di las de bzhin gshegs pa'i snying po shin tu yongs su mthar thug pa gsal bar bstan pa'i phyir te/ mchog tu mthar phyin pa gang yin pa de ni rgyu zhes bya'o/ /de bas na chos kha
120a5 cig ni mi rtag la chos kha cig ni rtag ces bya'o/ /gsol pa/ sangs rgyas la yang mya ngan gyi zug rngu mdzad pa mnga'o zhes smos te/ rdzogs pa'i sangs rgyas kyi ni mi'i mya ngan lta bu yang ma lags/ lha'i mya ngan lta bu yang ma lags/ bdud kyi mya ngan lta bu yang
120a6 ma lags/ sangs rgyas ni dud 'gror skyes pa lta bu yang mya ngan mi mdzad lags na ji lta bu zhig lags/ bka' stsal pa/ 'du shes med pa pa rnams kyi 'du shes kyang ji lta bu zhig /'du shes med na ni gson pa yang mi rigs te/ 'du shes med pa pa rnams
120a7 ni gson po yin no/ /phung po dang / khams dang / skye mched rnams med pa de dag la 'du shes ga la zhig yod de/ dper na shing rnams la lha rnams gnas mod kyi/ lha de dag shing gi yal ga rnams sam rtsa ba rnams gang na gnas pa mi mngon pa de bzhin du
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo