| e-texts navigator |
| བོད་ཡིག |
11a1 gi skra 'bal cing skad mi snyan pas ngu ste/ bcom ldan 'das la tshig 'thun par 'di skad ces gsol to/ /bcom ldan 'das kyis bdag gis sbyar ba'i bshos gsol te/ yongs su mya ngan las 'da' bar mdzad du gsol/ zhes lan gnyis
11a2 lan gsum du gsol ba btab kyang bcom ldan 'das kyis ma bzhes te cang mi gsung nas/ de dag re thag chad de langs nas phyogs gcig tu 'khod do/ /gzhan yang de'i tshe klu'i rgyal po phyogs bzhi na gnas pa klu'i rgyal po nor rgyas kyi bu dang dga' bo dang nye dga' bo la sogs pa
11a3 klu'i rgyal po gang gA'i klung dgu'i bye ma snyed shin tu rings par nyi ma 'char kar lha rnams kyi mchod pa las kyang nyis 'gyur bas lhag pa'i mchod pa'i yo byad rang rang gi 'byor pa dang 'tsham pa dag khyer nas/ bcom ldan 'das kyi thad du dong ste phyag 'tshal nas/ zhal zas bzhes
11a4 par gsol ba btab kyang bsam pa bzhin du ma grub nas langs te phyogs gcig tu 'khod do/ /gzhan yang de'i tshe rnam thos kyi bu la sogs pa gnod sbyin gyi bdag po g.yog 'khor dang bcas pa/ gang gA'i klung bcu'i bye ma snyed gcig la gcig 'jus nas/
11a5 rang rang gi mchod pa rnams kyis klu'i rgyal po rnams kyi mchod pa snga ma zil gyis mnan nas/ tshogs chen po dang chas te lhags nas/ bcom ldan 'das la phyag 'tshal te zhal zas bzhes par gsol ba btab kyang / bcom ldan 'das kyis zhal zas ma bzhes nas
11a6 yid mi dga' ste langs nas phyogs gcig tu 'khod do/ /gzhan yang de'i tshe nam mkha' lding gi rgyal po dgra'i mdza' bo zhes bya ba la sogs pa nam mkha' lding gi rgyal po gang gA'i klung nyi shu'i bye ma snyed kyis/ rang rang gi mchod pas gnod sbyin gyi rgyal po snga ma dag gi
11a7 mchod pa rnams zil gyis mnan nas/ bcom ldan 'das la phyag 'tshal te/ zhal zas bzhes par gsol ba btab kyang zhal zas ma bzhes nas/ yid mi dga' ste langs nas phyogs gcig tu 'khod do/ /gzhan yang de'i tshe dri za'i bdag po mis
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo