| e-texts navigator |
| བོད་ཡིག |
119b1 bu yongs su mya ngan las 'das pa chen po'i mdo sde chen po 'di sems can rnams kyis nam ma thos kyi bar du ni mi rtag pa'i khongs su 'dus so/ /mdo sde rin po che 'di thos nas ni rigs kyi bu'am/ rigs kyi bu mo rnams nyon mongs pa dang bcas pa yin du zin kyang
119b2 nyon mongs pa med pa'i khongs su 'dus la sems can thams cad la yang phan 'dogs par 'gyur te/ de ci'i phyir zhe na/ bdag la de bzhin gshegs pa'i snying po yod par shes pa'i phyir ro/ /mchog tu rtag par shes nas kyang de dag 'jug par 'gyur ro/ /rigs
119b3 kyi bu gzhan yang dper na gser khung ngam zangs khung yang rung ste/ brko ba'i dus kyi bar du ni mi rtag pa'i khongs su 'dus so/ /gseg ma dang / rdo dang / skyon rnams med par gyur nas ni sems can thams cad la phan 'dogs par 'gyur te/ rtag pa'i rdzas rin
119b4 po che'i khongs su 'dus so/ /rigs kyi bu de bzhin du mdo sde thams cad dang / ting nge 'dzin thams cad kyi bsgom pa bsgoms pa'i 'bras bu yongs su mya ngan las 'das pa chen po'i mdo chen po 'di sems can rnams kyis nam ma thos kyi bar du ni mi rtag pa'i khongs su 'dus
119b5 so/ /mdo sde rin po che 'di thos nas ni rigs kyi bu'am/ rigs kyi bu mo rnams nyon mongs pa dang bcas pa yin du zin kyang nyon mongs pa med pa'i khongs su 'dus la sems can thams cad la yang phan 'dogs par 'gyur te/ ci'i phyir zhe na/ bdag la de bzhin
119b6 gshegs pa'i snying po yod par shes pa'i phyir ro/ /mchog tu rtag par shes nas kyang de dag 'jug par 'gyur ro/ /rigs kyi bu gzhan yang dper na bu ram shing ngam til yang rung ste/ khu ba dang mar du gyur pa'i dus kyi bar du ni mi rtag pa'i khongs su 'dus so/ /
119b7 bu ram shing gi tshigs ma dang / til gyi tshigs ma med par gyur nas ni sems can thams cad la yang phan 'dogs par 'gyur la rdzas rtag pa'i khongs su yang 'dus par 'gyur ro/ /rigs kyi bu de bzhin du mdo sde thams cad dang / ting nge 'dzin thams cad kyi bsgom
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo