| e-texts navigator |
| བོད་ཡིག |
119a1 'bru'i grangs kyi khongs su 'dus te/ des na rtag pa zhes bya'o/ /de ci'i phyir zhe na/ rang bzhin du gyur pa'i phyir ro/ /gsol pa/ bcom ldan 'das ci lags/ de dag slad kyis ma mchis par mi 'gyur lags sam/ de dag slad kyis ma mchis
119a2 par mi 'gyur ba de bzhin du de bzhin gshegs pa rtag pa zhes bgyi lags sam/ bka' stsal pa/ de bzhin gshegs pa ri rab bzhin zhes dper blang mod kyi/ ri'i rgyal po ri rab kyang 'jig pa'i bskal pas 'jig par 'gyur ba de bzhin du de bzhin gshegs pa
119a3 la khyod de ltar ma 'dzin cig / mya ngan las 'das pa ma gtogs par 'jig rten thams cad na 'jig par mi 'gyur ba cung zad kyang med kyis 'jig rten dang 'thun pa'i tshul gyis kun rdzob kyi tha snyad kyi rjes su 'jug par gyis shig /gsol pa/ bcom ldan 'das
119a4 legs so legs so/ /bka' stsal pa/ rigs kyi bu de bzhin du mdo sde thams cad dang / ting nge 'dzin thams cad kyi bsgom pa bsgoms pa'i 'bras bu yongs su mya ngan las 'das pa chen po'i mdo sde chen po 'di sems can rnams kyis nam ma thos kyi bar du ni mi rtag pa'i
119a5 khongs su 'dus so/ /mdo sde rin po che 'di thos nas ni rigs kyi bu'am/ rigs kyi bu mo rnams nyon mongs pa dang bcas pa yin du zin kyang nyon mongs pa med pa'i khongs su 'dus la sems can thams cad la phan 'dogs par yang 'gyur te/ ci'i phyir zhe na/ bdag
119a6 la de bzhin gshegs pa'i snying po yod par shes pa'i phyir ro/ /mchog tu rtag par shes nas kyang de dag 'jug par 'gyur ro/ /rigs kyi bu gzhan yang dper na shing a mra'am shing ta la yang rung ste/ me tog gi dus nas 'bras bu'i dus kyi bar du ni mi rtag pa'i
119a7 chos kyi khongs su 'dus so/ /'bras bu smin par gyur nas ni sems can thams cad la phan 'dogs par 'gyur te/ rtag pa'i chos kyi khongs su 'dus par 'gyur ro/ /rigs kyi bu de bzhin du mdo sde thams cad dang / ting nge 'dzin thams cad kyi bsgom pa bsgoms pa'i 'bras
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo