| e-texts navigator |
| བོད་ཡིག |
115b1 don to/ /yi ge zhes bya ba ni de bzhin gshegs pa'i don to/ /de bzhin gshegs pa ni rdo rje'i sku mi phyed pa yin te/ de bzhin gshegs pa la sgo dgu nas 'dzag ces bya ba yang med la sgo dgu po nyid kyang med do/ /de bas na mi zag pa'i don ni de bzhin gshegs pa
115b2 ste/ nges pa yin pa'i phyir yi ge zhes bya ste byas pa ma yin pa'i don to/ /a zhes bya ba ni bkra shis kyi don te gzhi gsum zhes bya ba'i tha tshig go/ /yang a zhes bya ba ni 'phags pa rnams kyi ye shes kyi tshig so/ /'phags pa gang dag yin zhe na/
115b3 'jig rten na phyug pa dang / chags pa med pa dang / rung ba thams cad kyis chog par 'dzin pa gang yin pa rnams dang / sems can thams cad srid pa'i rgya mtsho thams cad las nges par sgrol ba gang yin pa de dag la ni 'phags pa zhes bya'o/ /A zhes bya ba ni
115b4 chos lugs su ston pa ste/ cho ga dang / spyod yul dang / 'dul ba dang / 'jig rten dang 'thun par 'jug pa zhes bya bas na don tha dad pa ma yin no/ /yang A zhes bya bas don ci zhig rgyas par byed ce na/ 'phags pa rnams la brten nas sems can thams
115b5 cad kyis cho ga dang / spyod yul dang / pha ma dang / slob dpon dang / 'dul ba dang / gces pa yin par shes shing 'di ni chos nyid yin no snyam du shes par 'gyur ba'o/ /'phags pa gang yin pa de dag ni rigs kyi bu'am/ rigs kyi bu mo theg pa chen po la
115b6 zhugs pa rnams te/ dge slong tshul khrims dang ldan pa rnams dang / byang chub sems dpa' sems dpa' chen po de dag la 'phags pa zhes bya'o/ /yang A zhes bya ba ni khrims su ston pa ste/ khrims zhes bya ba ni kye mi khyod tshur shog /khyod kyis tshul
115b7 ma yin pa byas kyis/ phyin cad de ltar ma byed cig ces bya ba de lta bu tshul ma yin pa rnams de'i tshe dran par byed pa'i don to/ /i zhes bya ba ni 'di zhes bya ba'i don te/ bstan pa 'di ni tshangs par spyod pa zla ba nya ba bzhin du dri ma med cing rnam par dag pa'o/ /bstan
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo