| e-texts navigator |
| བོད་ཡིག |
115a1 pa de bzhin du rnam pa mang por rtog par byed de/ 'jig rten pa rnams skyes bu mthe bo tsam zhes bya ba dang / ldum bu sha ma ka'i 'bras bu tsam dang / 'bras kyi 'bru tsam zhig snying la gnas te 'bar ro zhes log par rtog par byed de/ de dag gi lta ba
115a2 de ni log par lta ba gcig nas gcig tu brgyud de 'ongs pa yin te/ don du 'gyur ba dang bde bar 'gyur ba ma yin no/ /de bas na ngas bdag med par bstan to/ /'on kyang da dung 'jig rten pa rnams bdag yod do snyam du log par rtog par byed do/ /rigs kyi
115a3 bu de bas nad yang nga'i bstan pa las ral gri yang dag pa dang 'dra bar bdag ni 'di lta bu zhig go zhes de bzhin gshegs pa'i snying po ngas bshad par bya'o/ /legs par smras pa chos dang 'tsham pa gang yin pa de ni 'jig rten pa rnams kyi yin na yang 'jig rten las 'das
115a4 pa yin par rig par bya'o/ /'jig rten pa'i nang na rnam pa thams cad du chos kyi mchog ni byang chub sems dpa' sprul pa yin par rig par bya ste/ bstan bcos sam/ rig sngags sam/ gsang sngags ci yang rung ba de dag thams cad ni rdzogs pa'i sangs rgyas
115a5 kyis gsungs pa yin par shes par gyis shig / gsol pa/ bcom ldan 'das kyis yi ge'i phyi mo ji ltar bka' stsal lags/ bcom ldan 'das kyis bka' stsal pa/ yi ge'i phyi mo thams cad ni thog mar yi ge phyed pa sprul te/ phyi mo rnams la rig sngags dang /
115a6 gsang sngags dang / chos kyi de kho na nyid dang / phung po thams cad kyi gzungs su 'gyur ro/ /de yang dam pa'i chos kyi tshul yi ge'i phyi mo bslabs na chos dang chos ma yin pa'i bye brag phyed par 'gyur ba'i phyir ngas sprul pa yin gyi/ chos ma yin pa'i phyir ni ma yin no/ /
115a7 gsol pa/ yi ge zhes bgyi ba'i don gang lags/ bka' stsal pa/ sgra bcu bzhi la ni yi ge zhes bya ste/ gang gi phyir yi ge thams cad nges pa yin pa'i phyir te mi zad pa'i don to/ /yi ge'i sgra bcu bzhi zhes bya ba gang gi mi phyed pa'i don gang yin zhe na/ mi zag pa'i
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo