| e-texts navigator |
| བོད་ཡིག |
113b1 p a las legs par brtags na 'ol phyir mthong ba de bzhin du sa bcu thob pa'i byang chub sems dpa' sems dpa' chen po rnams kyis kyang rang gi lus la sangs rgyas kyi khams yod bzhin du bdag gi lus la de bzhin gshegs pa'i snying po yod do snyam du 'ol phyir mthong bar
113b2 zad do/ /dper na dge slong tshul khrims srung ba la gus pa la la zhig gis chu srog chags med pa la rang gi blos srog chags yod par mthong nas 'di snyam du rtog ste/ ci srog chags yin nam/ 'on te rdul yin nam/ yang na glo bur du 'ongs pa'i rdul lam/ srog chags
113b3 shig gam snyam pa las legs par brtags na 'ol phyir mthong ba de bzhin du sa bcu thob pa'i byang chub sems dpa' sems dpa' chen po rnams kyis kyang rang gi lus la de bzhin gshegs pa'i snying po yod bzhin du yod par 'ol phyir mthong bar zad do/ /dper na mi la
113b4 la snga dro lho bur 'khrigs pa na phan tshun du 'gro ba las byis pa dag mthong nas 'di snyam du rtog ste/ ci ba lang ngam/ ma he'am/ 'on te bya rgod dam snyam pa las/ de'i 'og tu byis pa yin par 'ol phyir mthong ba de bzhin du/ sa bcu thob pa'i byang chub sems dpa'
113b5 sems dpa' chen po rnams kyis kyang rang gi lus la de bzhin gshegs pa'i snying po yod bzhin du yod par 'ol phyir mthong bar zad do/ /dper na byang chub sems dpa'i gzugs ras chen po la bris pa mtshan mo mun pa'i nang du bkram pa la mi mig yod pa dag gis brtags
113b6 na/ ci sangs rgyas kyi sku gzugs shig yin nam/ 'on te zangs ras dmar po zhig gam/ 'on te dbang phyug chen po dang / tshangs pa'i gzugs shig gam snyam pa las/ de'i 'og tu byang chub sems dpa'i gzugs yin par 'ol phyir mthong ba de bzhin du rigs kyi bu
113b7 sa bcu thob pa'i byang chub sems dpa' sems dpa' chen po rnams kyis kyang rang gi lus la de bzhin gshegs pa'i snying po yod bzhin du yod par 'ol phyir mthong bar zad do/ /rigs kyi bu de ltar na de bzhin gshegs pa'i snying po ni mthong bar shin tu dka' ste/ de bzhin gshegs
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo