| e-texts navigator |
| བོད་ཡིག |
112a1 rgyas su 'gyur bar 'dod pa su yang rung ba rnams kyis ni nyon mongs pa'i rnam pa rnams gzhom par bya'o/ /dper na nam mkha' las 'brug sgra grag na sha mo myur bar rab tu skye bar 'gyur la sos ka na ni sha mo'i ming yang med do/ /'brug sgras
112a2 'thon par 'gyur ba de bzhin du de bzhin gshegs pa'i snying po de yang nyon mongs pa'i rnam pas bsgribs pas bdag med pa bzhin du snang la/ mdo chen po 'di thos pa gang yin pa de dag yongs su mya ngan las 'das pa chen po 'di thos ma thag tu sha mo bzhin du de
112a3 bzhin gshegs pa'i snying po'i shes pa skye bar 'gyur ro/ /mdo sde thams cad dang ting nge 'dzin thams cad ni sos ka'i dus dang 'dra ste/ mdo sde thams cad dang ting nge 'dzin thams cad thos pas ni de bzhin gshegs pa'i snying po yod par yang dag par mi shes so/ /
112a4 dbyar gyi nam la sha mo skye ba bzhin du yongs su mya ngan las 'das pa chen po'i mdo chen po 'di las dgongs pa'i tshig gsang ba thams cad 'byung ste/ mdo sde 'di thos ma thag tu dbyar gyi nam la sha mo skye ba bzhin du sems can thams cad kyis de bzhin gshegs
112a5 pa'i snying po yod par yang dag par shes par 'gyur ro/ /de la don chen po rgyas par byed pas na yongs su mya ngan las 'das pa chen po zhes bya ste/ yongs su mya ngan las 'das pa chen po'i mdo chen po 'di la slob pa gang yin pa de dag ni nga la drin du gzo ba yin no/ /
112a6 gsol pa/ bcom ldan 'das kye ma de bzhin gshegs pa'i snying po ni nyan thos dang rang sangs rgyas thams cad kyis mthong bar shin tu dka' ba dang / rjes su shes par shin tu dka' ba dang / bzod par shin tu dka' ba lags so/ /bcom ldan 'das kyis
112a7 bka' stsal pa/ rigs kyi bu de ni de bzhin no/ /rigs kyi bu de ni de bzhin te/ nga yang de kho na skad zer ro/ /gsol pa/ ji ltar mthong bar dka' ba lags/ bka' stsal pa/ rigs kyi bu dper na long ba brgya zhig yod la/ long ba de dag mig
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo