| e-texts navigator |
| བོད་ཡིག |
111b1 mnyam du gcig nas gcig tu brgyud de byung zhes kyang mi bya'o/ /gal te dngos po de dag dang mgo mnyam du ma byung na yang de lta na ye med dam/ ba las byung ba'i zhun mar yang gzhan las byung ba ma yin la rang bzhin can de yang thams cad la yod mod kyi/ 'on kyang
111b2 nyes pas bsgribs pa dang phan tshun du 'dres pa'i tshul du 'dug pa'i phyir mi mngon te/ ba'i zas kyi nyes pas 'o ma khrag gi dri nga ba bro la bas rtswa mngar ba zos na ni 'o ma yang mngar ba 'byung ngo / /rtswa ro tsha ba zos na ni 'o ma ro tsha ba 'byung ngo / /gangs kyi ri la rtswa'i rigs snum
111b3 can zhes bya ba zhig yod de/ bas de zos na ni 'o ma mar gyi snying khu'i rang bzhin kho nar 'byung ste/ dkar ba yang ma yin/ sngo ba yang ma yin/ dmar ba yang ma yin/ sngo skya yang ma yin pa mar gyi snying khu'i rang bzhin kho nar 'byung ste/ de ltar rtswa'i bye brag gis 'o ma
111b4 mdog ngan pa dang / mdog bzang por 'gyur ba de bzhin du ma rig pa dang rig pa gnyis su med mod kyi sems can rnams kyi las kyi nyes pas rig pa gang yin pa de nyid ma rig pa lta bur gyur te/ dge ba dang mi dge ba'i chos thams cad kyang gnyis su med pa kho na'o/ /
111b5 de bas na sngar bstan pa kho na bzhin du de bzhin gshegs pa'i snying po ni mar gyi snying khu lta bu'i rang bzhin can yin mod kyi nyon mongs pa'i rnam pa'i nyes pa gzhan du snang bar gyur to/ /dper na rgya mtsho'i chu ni lan tshwa'i don gcig pu byed par zad mod kyi/ lan tshwa'i
111b6 don gcig pu byed pa'o zhes brjod par mi bya ste rgya mtsho'i nang na 'o ma'i rgya mtsho zhes bya ba yang yod do/ /gangs kyi ri la yang sman yod pa'i phyir yon tan las smos te gangs kyi ri la ni dug kyang yod mod kyi 'on kyang sman gtso bor smos pa de bzhin du lus 'di yang de dang 'dra ste/
111b7 sbrul gdug pa lta bu'i khams bzhi'i dug dang ldan mod kyi/ sman gyi rgyal po de bzhin gshegs pa'i snying po de yod pas na de bzhin gshegs pa'i snying po thog ma nas bcos ma ma yin pa'i khams yin la/ nyon mongs pa rnams ni glo bur du byung ba yin te/ sangs
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo