| e-texts navigator |
| བོད་ཡིག |
111a1 po la 'dus byas thams cad mi rtag pa'o zhes sgom par byed do/ /shes rab can rnams kyis ni gnyis su med par shes so zhes gsungs te de ni shes rab can rnams kyi rang bzhin yin no/ /byis pa rnams ni sangs rgyas kyis bdag med par gsungs
111a2 pa la chos thams cad bdag med par 'dzin to/ /shes rab can rnams kyis ni bdag yod pa dang bdag med pa gnyis su med par shes te de ni shes rab can rnams kyi rang bzhin yin no/ /de bzhin gshegs pa'i snying po dpag tu med pa sangs rgyas kyis
111a3 bsngags pa ni bsod nams thams cad bsdus pa'i mdo las ngas bstan te bdag yod pa dang bdag med pa gnyis su med par gzung bar bya'o/ /rigs kyi bu bsod nams thams cad bsdus pa'i mdo dang / shes rab kyi pha rol tu phyin pa'i mdo chen po las gnyis
111a4 su med pa la 'jug pa'i snang ba de nyid las bdag yod pa dang bdag med pa gnyis su med par ngas bstan pa de rjes su dran par gyis shig/ //bam po bcu pa/ dper na 'o ma las zho byung / zho las mar byung / mar las zhun mar byung / zhun mar
111a5 las mar gyi snying khu 'byung na/ de la ci zho de 'o ma'i dngos po dang mgo mnyam du byung ngam/ 'on te zho rang nyid byung ngam/ de bzhin du ci mar de zho'i dngos po dang / mgo mnyam du byung ngam/ 'on te mar rang nyid byung ngam/ de bzhin du ci zhun mar de mar gyi dngos po dang
111a6 mgo mnyam du byung ngam/ 'on te zhun mar rang nyid byung ngam/ de bzhin du ci mar gyi snying khu de zhun mar gyi dngos po dang mgo mnyam du byung ngam/ 'on te mar gyi snying khu rang nyid byung ngam/ 'on te snum de gzhan zhig nas byung ngam/ gal te gzhan zhig las byung na
111a7 de lta na gang las byung / de ste 'o ma med par zho byung na ni 'o ma mi dgos par 'gyur ro/ /gal te de lta na ni rang bzhin can du 'gyur la zho'i rgyu dang rtags gnyis kyang snang ngo / /de bas na gcig nas gcig tu brgyud de byung ba yang yin la/ dngos po de dag dang mgo
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo