| e-texts navigator |
| བོད་ཡིག |
110a1 rnams mar cher za ba bzhin du myur du mtha' gnyis su lta bar 'gyur la/ yod ces bya ba yang ma grub/ med ces bya ba yang mi 'thad do/ /dper na sman pa rnams ni mkhris pa la sogs pa'i khams rnams 'khrugs te phan tshun mi 'thun du zin kyang
110a2 mkhris pa'i nad la ni mkhris pa zhi bar byed/ rlung shas che ba la ni rlung sel bar byed/ bad kan can la ni bad kan med par byed/ cha 'dus pa la ni cha 'dus pa'i gnyen po byed de/ phan tshun mi 'thun par 'gyur ba yang mi byed la bde ba yang skyed par byed pa de bzhin du sman
110a3 pa ltar nyon mongs pa'i rnam pa'i nad mtha' yas pa rnams mthar gyis bsal te/ yang dag pa'i khams kyang gso bar gyis shig /yang dag pa'i khams zhes bya ba ni de bzhin gshegs pa'i snying po ste/ sangs rgyas kyi khams zhes bya ba yin gyis khams thams
110a4 cad spangs te rtag pa dang brtan pa la nan tan gyis shig / shes rab can rnams kyis ni yod pa la yang chags par mi bya'o/ /med ces bya ba yang du smra ba las byung ba yin no/ /yod ces bya ba yang kha rog ste khas blang bar mi bya'o/ /rtsod par yang mi bya ste/
110a5 'di dag rang bzhin gyis chos nyid du shes par bya'o/ /blun po dgongs pa'i tshig mi shes pa rnams kyis ni nga'i lus la bde ba'i sa bon de lta bu yod bzhin du sdug bsngal bar bstan pa'i phyir rtag tu rtsod par byed de/ thams cad bzung bas byis pa rnams nga'i lus
110a6 mi brtan no snyam du sems shing rtog par byed do/ /mi rtag pa bstan na ni byis pa rnams rdza mkhan gyi snod bzhin du mi rtag go snyam du 'dzin to/ /shes rab can rnams kyis ni nga'i lus la chos kyi sku'i sa bon de lta bu yod do snyam du shes pas thams cad 'dzin par mi byed do/ /
110a7 bdag med pa bstan na ni byis pa rnams bstan pa bdag med do snyam du 'dzin to/ /shes rab can rnams kyis ni tha snyad du yod do snyam du shes te the tshom med do/ /de bzhin gshegs pa'i snying po ni stong pa yin no zhes bstan na ni byis pa rnams chad pa 'jigs su rung ba'i
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo