| e-texts navigator |
| བོད་ཡིག |
10b1 bslab pa rnams la dam bcas pa brtan pa dang / de bzhin du yon tan dpag tu med pa dang ldan pa/ bu gcig pa la bya ba bzhin du 'jig rten thams cad la snying rjes lta ba sha stag ste/ de dag kyang nyi ma 'char kar ston pa yongs su mya ngan las 'da' ba'i gdung zhugs la
10b2 bzhen pa'i phyir/ bud shing dang / yam sreg shing rnams khyer te/ de dag kyang snga mas phul ba'i yam sreg shing gi nyis 'gyur bas bzang ba'i lha rdzas dri bsung dang ldan pa/ yid du 'ong ba/ mi la dkon pa sha stag go/ /shing rta yang rta'i mchog mgyogs pa
10b3 dag dang sbyar ba/ dar la dkar pos g.yogs pa/ gzugs dang dbyibs ri mo brir yang mi nus pa/ dril bu g.yer ka'i dra ba can gyi yol bas bskor ba/ dar yug khyim chen po'i bla re rgya chen po rtsa ba ri mo can dag la btsugs pa dang / gar thabs dang / rol
10b4 mo yid du 'ong ba rnams kyis mdun du drangs pa/ kha zas zhim po mang po dag dang / seng ge'i khri bai dUr+ya'i rgyab rten rtse mo nor bu'i 'od kyis snang bar byas pa/ zhabs rten gser las byas pa dag kyang bshams pa dang / sa phyogs kyang me tog dri bsung zhim po sna tshogs
10b5 kyis mdzes par byas pa/ me tog gi sil ma bkram zhing bkod pa/ dpung gi tshogs yan lag bzhi phyi bzhin 'brang ba sha stag ste/ so so nas mchi ma khrag lta bu mi thub cing mchog tu sdug bsngal bas gdungs nas/ sems can thams cad la phan pa dang /
10b6 bde ba dang / snying brtse ba'i phyir dang / gdul bar bya ba'i dbang gi don du theg pa chen po'i mchog tu gsang ba/ stong pa nyid kyi rnam pa dgongs pa'i tshig rnam pa sna tshogs kyi chos kyi sgo'i tshul bshad par bya ba'i phyir/ bcom ldan 'das kyi thad du dong ste/ bcom
10b7 ldan 'das kyi zhabs la mgo bos phyag 'tshal nas/ mchod pa dang bkur sti'i mchog rnam pa mang po dag byas te bskor ba yang byas nas/ bcom ldan 'das kyi 'khor rnams kyi phyir rang rang gi bla gos sa la bting ste/ rang rang gi rgyan rnams phog cing gtor nas rang rang
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo