| e-texts navigator |
| བོད་ཡིག |
109b1 yang de bzhin gshegs pa'i snying po la 'jug pa ngas bshad par bya'o/ /gal te bdag brtan pa dang ther zug pa yin na ni sdug bsngal gyi mtha' yod par mi 'gyur la/ gal te bdag med na yang tshangs par spyod pa thams cad don med par 'gyur ro/ /chos thams cad
109b2 bdag med pa yin na ni de ltar na chad par lta bar 'gyur la/ bdag brtan pa yin na ni rtag par lta bar 'gyur ro/ /chos thams cad mi rtag pa yin na ni de lta na chad par lta bar 'gyur la/ chos thams cad rtag pa yin na ni rtag par lta bar 'gyur ro/ /chos thams cad
109b3 sdug bsngal ba nyid yin na ni chad par lta bar 'gyur la/ chos thams cad bde ba yin na ni rtag par lta bar 'gyur ro/ /thams cad rtag par sgom na ni chad par 'dzin par 'gyur la/ thams cad chad par sgom na ni myur du rtag par 'dzin par 'gyur ro/ /dper na srin bu
109b4 pad pa rnams mi'i mgo bo la myur du za zhing myur du gnas cig shos 'dor ba de bzhin du rtag par sgom na ni thams cad 'dzin pas srin bu pad pa bzhin du 'gyur ro/ /de bas na mi dge ba'i chos gzhan dag la ni sdug bsngal bar bsgom par bya'o/ /dge ba'i chos gzhan dag la
109b5 ni bde bar bsgom par bya'o/ /nyon mongs pa'i rnam pa la sogs pa'i chos gzhan dag la ni bdag med par bsgom par bya'o/ /mya ngan las 'das pa la ni gzhi dang gnas med pa'i phyir de bzhin gshegs pa'i snying po la sogs pa chos gzhan dag la ni bdag yod par
109b6 bsgom par bya'o/ /longs spyod la sogs pa chos gzhan dag la ni mi rtag par bsgom par bya'o/ /de bzhin gshegs pa'i chos la sogs pa chos gzhan dag la ni rtag par bsgom par bya'o/ /gzhi gsum dang thar pa'i de kho na nyid ni srin bu pad pa za ba lta bu ma yin no/ /
109b7 sangs rgyas kyi gsung ni dbu ma'i lam 'di yin no zhes shes par gyis shig /sangs rgyas bcom ldan 'das kyis ni chad pa dang rtag pa gnyi ga'i mtha' spangs pa dbu ma'i lam du gsungs so/ /blun po rnams ni sangs rgyas kyi gsung la rmongs te/ pho ba'i drod chung ba
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo