rKTs

e-texts navigator

Volume

Page

106b₁ khams shing gel pa dang 'dra ba de bsad pa la srog gcod pa zhes bya ste/ de bas na srog bcad pas de sdig pa'i tshogs kyis ngan 'gror 'gro bar 'gyur la/ las ngan pa'i rnam par smin pas bram ze dang / rgyal rigs dang / rje'u rigs dang / dmangs rigs dang / gdol pa dang /
106b₂ bya dang / dang / mtshan ma tha dad pa gsum gyi ming dang / glo tha dad pa dang / srid pa nyi shu rtsa lnga dag tu sems can rnams nying mtshams sbyor bar 'gyur ro/ /'jig rten pa rnams kyi bdag ni ldum bu sha ma ka'i 'bras bu tsam dang / 'bras kyi 'bru tsam dang / mthe bo tsam
106b₃ zhes bya ba la sogs par rtog pa ste/ mi bden pa'i rtog pa yin no/ /'jig rten las 'das pa'i rtog pa ni sangs rgyas kyi khams yod par rtog pa gang yin pa ste don dam pa'i bden pa'i rtog pa yin no/ /rigs kyi bu gzhan yang dper na gter gyi 'byung khung gi dpyad shes pa'i
106b₄ mis gzhor ram/ brko ba'i dpyad gzhan dag gis gter brkos na rdo dang gseg ma thams cad ni phye mar rlog par nus la/ rdo rje ni nams kyang cung zad kyang chod par mi nus te/ mtshon cha thams cad kyis kyang rdo rje rin po che mi chod pa de bzhin du rigs kyi bu de bzhin gshegs
106b₅ pa'i snying po skye ba po'i bdag ni lha dang bdud bye ba snyed kyis kyang mtshon cha thams cad kyis gcod par mi nus la bsags pa'i khams ni rdo dang gseg ma bzhin du phye mar rlog nus so/ /de bzhin gshegs pa'i snying po 'tsho ba po ni rdo rje rin po che dang 'dra ste/ de bas na mi
106b₆ rnams kyi srog bcad pas 'tsho ba 'jig par 'gyur te/ de'i phyir bsags pa'i khams bshig pas srog chags bsad par 'gyur ro/ /rigs kyi bu de ltar na sangs rgyas kyi bstan pa shin tu rgyas pa ni mchog tu cha phra ba ste bdud rtsi'i mchog kyang yin no/ /dug gi
106b₇ mchog kyang yin no/ /gsol pa/ bcom ldan 'das ci las dgongs te/ shin tu rgyas pa ni bdud rtsi'i mchog kyang lags/ dug gi mchog kyang lags zhes bka' stsal lags/ bka' stsal pa/ rigs kyi bu khyod dgongs pa'i tshig 'di shes par 'dod dam/ gsol

_{iiif viewer powered by OpenSeadragon}

106a - 107a

Texts on this page