rKTs

e-texts navigator

Volume

Page

105b₁ gos pa dang / mig ser ba dang / sran sde'u'i mdog ltar 'dug pa dang / me tog ku ran ta ka'i mdog ltar 'dug pa dang / mig dmar ser du 'dug pa dang / srid pa nyi shu rtsa lnga dag tu rnam pa sna tshogs su 'gyur ro/ /ji ltar gyad de rang gi lus la rdo rje 'dug kyang 'du shes
105b₂ nyams pas stor ba'i 'du shes su rtog pa de bzhin du sems can 'jig rten pa rnams bdag gi de kho na nyid ma rtogs pa dang / mi dge ba'i grogs po'i dbang du gyur pa dang / dgongs pa'i tshig mi shes pas bdag yod bzhin du bdag med par sgom par byed do/ /bdag med
105b₃ pa mi sgom pa rnams ni 'jig rten pa'i bdag sgom par byed do/ /ji ltar 'jig rten pa'i bdag yod do zhes bdag gi de kho na nyid ma rtogs pa bzhin du 'jig rten las 'das pa'i yang de dang 'dra ste/ mi dge ba'i grogs po la bsten pa dang / dgongs pa'i tshig gi mtha'
105b₄ mi shes pas bdag med do bdag med do zhes sgom bzhin du bdag med pa'i de kho na nyid mi shes te/ bdag ga la yod/ gang na gnas/ ci rdza ma'i nang na rdza ma 'dug pa lta bu zhig gam/ 'on te rlan lta bur khyab par 'dug gam/ gyad rmongs pa'i smin mtshams kyi rgyan
105b₅ lta bur 'dug gam snyam pa la sman pa bzhin du de bzhin gshegs pas de dag la 'di skad du bdag ni thams cad du gnas pa ma yin la/ rin po che rdo rje ltar 'od gsal zhing nyon mongs pa'i rnam pas bsgribs pa yin no zhes bka' stsal te/ de skad ces bka' stsal pa la sems
105b₆ can rnams yid ches par 'gyur la nyon mongs pa zad par bya dgos pa tsam du zad do/ /de nas rdo rje bzhin du de bzhin gshegs pa'i snying po mthong bar 'gyur ro/ /rigs kyi bu de ltar na de bzhin gshegs pa'i snying po ni dpag tu med do/ /gzhan yang rigs kyi bu dper na
105b₇ gangs kyi ri la bcud kyi khams bung ba'i bcud ces bya ba zhig yod de/ de shing gel pa'i nags stug pos gzings shing 'dug kyang de dri bsung gis mngon te/ sngon 'khor los sgyur ba'i rgyal po zhig gis de'i don du ngos so so nas wa btsugs nas bcud kyi khams de las/ wa

_{iiif viewer powered by OpenSeadragon}

105a - 106a

Texts on this page