| e-texts navigator |
| བོད་ཡིག |
104a1 yang smras pa/ sngar ni khyod kyi sman mar de ma zhu ba la thogs te nu ma nur mi gzhug pa'i phyir ngas nu ma gnyis nim pa'i lo ma'i lde gus bskus te/ khyod la gnod par 'gyur zhing shir dogs nas nur ma bcug pa yin gyis/ da ni nus shig ces byas nas nur
104a2 bcug ste/ des kyang dal bus nu ma nus so/ /rigs kyi bu de bzhin du ngas kyang sngar ni gdul bar bya ba'i dbang gis byis pa'i sman mar zhu bar bya ba bzhin du/ dge slong rnams kyis 'jig rten pa'i lta ba gzhom par bya ba'i phyir dang / 'jig rten las 'das pa'i che ba nyid
104a3 yang dag par bstan pa'i phyir dang / 'jig rten pa'i bdag gi de kho na nyid par yang dag par bstan pa'i phyir dang / bdag med par bsgoms pas lus rnam par dag par bya ba'i phyir dge slong dag chos thams cad bdag med par sgoms shig /de ltar bsgoms dang
104a4 ngar 'dzin pa spong bar 'gyur ro/ /ngar 'dzin pa yongs su spangs na mya ngan las 'das pa thob par 'gyur ro zhes byas te/ ji ltar byis pa'i mas rang gi nu ma nim pa'i lo ma'i lde gus bskus pa de bzhin du ngas kyang chos thams cad bdag med par stong pa nyid du sgoms shig
104a5 ces byas so/ /ji ltar byis pa'i ma des phyis rang gi nu ma bkrus te bu la smras pa/ sngar ni khyod kyi sman mar ma zhu bar bya ba'i phyir nu ma nur ma bcug gis/ da ni nus shig ces zer ba de bzhin du ngas kyang 'jig rten pa'i chos las bsgyur ba'i phyir de skad ces bstan te/ bdag
104a6 med do zhes byas nas da ni nga de bzhin gshegs pa'i snying po yod ces ston gyis/ dge slong dag byis pa bzhin du ma skrag par ji ltar byis pa des brtags nas phyir yang ma'i nu ma nu bar byed pa de bzhin du dge slong dag khyed kyis kyang bdag cag la de bzhin gshegs pa'i
104a7 snying po yod do snyam du brtags nas sgom pa la brtson par gyis shig dang da bstan to/ /gsol pa/ 'di ni byis pa btsas ma thag tu shes pa chung la shes pa ma mchis pa ni gsal bar 'gyur ba mi rigs lags so/ /gal te bdag mchis na ni shes pa dang blo gros dang
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo