| e-texts navigator |
| བོད་ཡིག |
103b1 bzhin du rigs kyi bu de bzhin gshegs pa'i snying po ni sems can thams cad la yod la mthong bar mi nus pa tsam du zad de/ bud med dbul mo de nyid la gter yod pa dang 'dra'o/ /rigs kyi bu ngas sems can thams cad la de bzhin gshegs pa'i snying po yod do zhes
103b2 yang dag par bstan par bya ste/ ji ltar dbul mo des gter chen po yod par bstan kyang mi shes pa de bzhin du sems can thams cad la de bzhin gshegs pa'i snying po yod pa yang nyon mongs pa'i rnam pas bsgribs pas sems can rnams kyis mi shes shing ma
103b3 mthong nas de dag la de bzhin gshegs pas bstan te/ de dag mgu nas de bzhin gshegs pa la skyabs su 'gro'o/ /gsol pa/ bcom ldan 'das sangs rgyas kyi khams mchis par da bdag gis rtogs te/ gdams ngag ston par mdzad pa'i de bzhin
103b4 gshegs pa nyid ni thabs dang ldan pa'i mi de dang 'dra bar blta bar bgyi'o/ /sems can thams cad ni bud med dbul mo dang 'dra bar blta bar bgyi'o/ /bka' stsal pa/ rigs kyi bu gzhan yang dper na bud med cig yod la de'i bu shin tu chung ba nad pa zhig yod de/
103b5 de'i skabs su bud med des sman pa bkug nas sman pa des byis pa de kha ra dang sbyar ba'i sman mar blud nas de'i ma la bsgo ba/ che zhe khyod kyis sman mar ma zhu ba'i bar du byis pa la nu ma ma blud cig ces byas nas bud med des de nur mi gzhug par bya ba'i phyir bdag gi nu
103b6 ma gnyis nim pa'i lo ma btags pa'i lde gus bskus nas rang gi bu la yang 'di skad ces bsgo ste/ bu cig nga'i nu ma dug gis bskus kyis bu cig khyod ma nu shig ces byas so/ /de nas khye'u de skom ste nu ma nu'o snyam du bsams na yang nu ma nim pa'i lo ma'i dri bro nas ngus
103b7 te cho ga'i mthar ma phyin gyi bar du rang sdod do/ /de nas cho ga zin nas bud med des rang gi nu ma gnyis chus bkrus nas bu de la smras pa/ kye bu cig da ni nu ma nus shig ces byas na khye'u des dug yod snyam ste nur ma btub nas ngu zhing 'dug ste blta yang mi lta'o/ /de nas
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo