| e-texts navigator |
| བོད་ཡིག |
103a1 gang na ci yang med pa der 'gro'o snyam pa ni gtsang ba la mi gtsang ngo snyam du sgom pa rmongs par byed pa'i chos yin te/ 'di ni phyin ci log bzhi pa yin par rig par bya'o/ /gsol pa/ bcom ldan 'das bdag ni da gzod yang dag pa'i lta ba can du gyur
103a2 te/ 'di srid kyi bar du log par lta bar gyur lags so/ /bcom ldan 'das ci lags/ srid pa nyi shu rtsa lnga la bdag mchis zhes bgyi'am ma mchis zhes bgyi/ bka' stsal pa/ bdag ces bya ba ni de bzhin gshegs pa'i snying po'i don to/ /sangs rgyas kyi
103a3 khams ni sems can thams cad la yod mod kyi/ de yang nyon mongs pa'i rnam pa rnams kyis bsgribs te bdag nyid la yod bzhin du sems can rnams kyis mthong bar mi nus so/ /'di lta ste/ dper na grong khyer chen po zhig na dbul po'i khyim zhig na gser gyi gter
103a4 zad mi shes pa zhig yod la/ de la bud med dbul mo zhig 'dug pa des kyang bdag gi khyim gyi sa'i 'og na gter yod par mi shes te/ der thabs dang ldan pa'i mi zhig gis bud med de la smras pa/ sru tshur shog bdag gis khyod la gla sbyin gyis bdag gi zhing las
103a5 byed du song shig ces byas pa dang / des de la smras pa/ jo bo bdag mi mchi'o/ /gal te khyod kyis bdag gi bu la gter bstan na ni gzod bdag mchi bar 'tshal lo zhes 'thad pas grub pa'i tshig smras pa dang / des de la smras pa/ sru bdag gi bu khyod las skyes
103a6 ma thag tu bdag gis rin po che dang gser gyi gter zad mi shes pa sbyin par bya'o/ /de nas des de la smras pa/ khyod kyis ga la byin te bdag la mtho 'tshams par zad do/ /de nas des de la smras pa/ khyod nyid kyi khyim na gter yod mod kyi khyod bdag kyang mi shes na
103a7 gzhan gyis lta shes par ga la nus/ de nas des bdag gis thob par 'tshal lo zhes de de la gsol ba 'debs so/ /de nas des khyim de'i nang nas gter de brkos nas de nyid la byin no/ /de nas des de mthong nas ngo mtshar du gyur te/ de la skyabs su song ba de
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo