| e-texts navigator |
| བོད་ཡིག |
102a1 rdzogs pa'i sangs rgyas kyi bka' las sdug bsngal 'gog pa'i tshig bden pa zhes bya'o/ /gzhan ni bsgom pa ma yin pa la bsgom pa'o/ /'di ni sdug bsngal 'gog par 'gyur ba'i lam zhes bya ba ni de bzhin gshegs pa dang / chos dang / dge
102a2 'dun dang / thar pa rnams te/ 'di ltar de rnams la phyin ci log bzhis phyin ci log tu gyur pa'i dngos po ni thar pa'o/ /thar pa la yang ci yang med do snyam pa de ni 'di ltar sgyu mar 'dug ste 'khor ba'i sdug bsngal gyi nang du yongs su 'khyam pa yin la/ bsgom nyes pa
102a3 de'i 'bras bus ni yun ring por sdug bsngal nyams su myong bar 'gyur ro/ /da ni bdag gis de bzhin gshegs pa dang / chos dang / dge 'dun dang / thar pa rnams rtag pa dang / brtan pa dang / ther zug pa dang / 'jig par mi 'gyur bar sems gcig
102a4 bskyed pa'i 'bras bus dbang phyug rtag pa'i 'bras bu thob bo/ /phyin ci log bzhi po sdug bsngal ba dang / bdag med pa dang / mi gtsang ba rnams chos ma yin pa la chos yin no snyam du 'dzin pas lta ba ngan pa'i 'bras bu myong ba 'di ni sdug bsngal 'gog par 'gyur
102a5 ba'i lam zhes bya'o/ /gzhi gsum rtag par bsgom pa bsgrub pa'i phyir mi rtag pa sgom pa gang yin pa de dag ni mi bden pa'i bsgom pa la sgom pa yin no/ /de ltar rtag par sgom pa gang yin pa de dag ni nga'i nyan thos yin te/ 'phags pa'i bden pa bzhi shes
102a6 pa'o zhes nga zer ro/ /'di rnams ni 'phags pa'i bden pa bzhi yin par rig par bya'o/ /gsol pa/ bcom ldan 'das 'phags pa'i bden pa bzhi'i lam 'di'i tshul gyis bsgom par bgyi ba bdag gis da gzod rtogs lags so/ /bka' stsal pa/
102a7 sdug bsngal la bde bar 'du shes pa ni phyin ci log yin no/ /bde ba la sdug bsngal bar 'du shes pa ni phyin ci log yin no/ /de la de bzhin gshegs pa mi rtag ces bya ba de ni sdig pa dang / sdug bsngal ba yin no/ /de bzhin gshegs pa bud shing zad pa'i me
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo