| e-texts navigator |
| བོད་ཡིག |
101b1 pa'i chos mi snang bar byed par 'gyur te/ dam pa'i chos gnas par bya ba'i thabs mi shes pas 'di ltar 'dzin te/ dam pa'i chos 'jig par 'gyur zhes bya ba med do snyam nas de'i 'bras bus 'khor ba'i sdug bsngal rnams kyi nang du yongs su 'khyam mo/ /de nas mtho ris dang thar pa thob par 'gyur te/
101b2 mtho ris dang thar pa thob pa'i sdug bsngal kun 'byung ba'i de kho na nyid bdag gis ma shes pas dam pa'i chos 'jig pa'i rgyur gyur te nyes par smras pa'i tshig gis yun 'di srid kyi bar du nyon mongs par gyur to snyam du shes pa 'di ni sdug bsngal kun 'byung ba shes pa zhes
101b3 brjod par bya'o/ /gzhan dag gi ni de lta ma yin no/ /'di ni sdug bsngal 'gog pa zhes bya ba la stong pa nyid sgom pa ni gtan du stong pa nyid sgom pa thams cad zad pa de bzhin gshegs pa'i snying po med par byed pa de lta bu ma yin te/ sdug bsngal 'gog pa sgom
101b4 pa ni ya mtshan can thams cad la yang don dang 'gal ba'i stong pa nyid yod de/ de rnams kyi yang sdug bsngal 'gog pa zhes bya bar 'gyur ro/ /sems can thams cad la ni de bzhin gshegs pa'i snying po yod de/ de ni gsal bar mi mngon no/ /gang gi tshe nyon
101b5 mongs pa zad pa de'i tshe de bzhin gshegs pa'i snying po la 'jug pa khyed kyis mthong bar 'gyur ro/ /gang gi tshe sems gcig bskyed pa'i las kyi 'bras bus bdag gis chos kyi dbang phyug rtag pa dang bde ba 'thob bo snyam du khyod kyis shes par gyur pa de ni sdug
101b6 bsngal 'gog pa bsgom par bya ba la sgom pa yin no/ /de bzhin gshegs pa'i snying po bdag med par bsgoms shing gtan du stong pa nyid bsgoms pas ni sdug bsngal rnams mi 'gag par phye ma leb mar me'i nang du song ba bzhin du 'gyur ro/ /de lta ma yin
101b7 par de bzhin gshegs pa'i snying po yod par bsgoms pa'i sems can rnams ni nyon mongs pa rnams yod bzhin du nyon mongs pa'i rnam pa 'gog par byed do/ /de ci'i phyir zhe na/ de bzhin gshegs pa'i snying po'i rkyen gyi phyir te/ de shes pa ni yang dag par
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo