rKTs

e-texts navigator

Volume

Page

100a₁ bam po dgu pa/ dge slong rnams kyis ni thog mar dge sbyong gi chos kyis grog sbur rnams la yang snying rje bya'o/ /dge sbyong gi chos kyis chang gi dri bro ba'i btung ba yang spang bar bya'o/ /dge sbyong gi chos kyis rmi lam du yang du smra ba'i
100a₂ sems bskyed par mi bya'o/ /dge sbyong gi chos kyis rmi lam du yang bud med dang phrad pa'i sems bskyed par mi bya'o/ /gsol pa/ ci lags/ rmi lam du bud med dang phrad par gyur na mi tshangs par spyod pa'i nongs par 'gyur lags sam/ bka' stsal pa/ mi
100a₃ 'gyur te/ gal te blo gros dang dran pa dang ldan pa 'dod pa dri nga ba dag la mi tshangs par spyod pa'i sems mi skyed na de ni nyon mongs pa dang bud med kyi gtam smad pas rtog pa yang dag par chad pa'i phyir sems skyed mi srid do/ /rmi lam du phrad par gyur na yang nang par sad na mu
100a₄ ge 'byung ba'i tshe dge slong gis rang gi bu'i sha'i zas zos pa bzhin du 'gyod par 'gyur na de la gtsang ngo snyam pa'i blo lta ga la 'byung / gal te sems skyes na yang phyir gzhil bar bya'o zhes zer ba de lta bu'i chos kyi sgo ni sangs rgyas kyis gsungs pa'i mdo sde dang 'dul ba yin
100a₅ par rig par bya'o/ /bdud kyis smras pa'i mdo sde dang 'dul ba tshad mar byed pa'i sems can gang yin pa de dag ni bdud dang 'thun par byed pa yin par rig par bya'o/ /sangs rgyas kyis gsungs pa'i mdo sde dang 'dul ba tshad mar byed pa gang yin pa de dag ni byang chub sems
100a₆ dpa' yin par rig par bya'o/ /dpa' bo'i 'dug stangs dang / mi smra bar 'dug pa dang / g.yang sar mchong ba dang / dug za ba dang / smyung bar 'dug pa dang / bdag nyid 'ching bar byed pa dang / bdag nyid gsod par byed pa dang / zhe nom byed du 'jug pa dang /
100a₇ rig sngags dang gsang sngags zlos pa dang / skrun pa'i las byed par bcom ldan 'das kyis gnang ngo / /gdol pa'i bu dang / ma ning dang / mtshan gnyis pa dang / yan lag nyams pa thams cad rab tu 'byung bar bcom ldan 'das kyis gnang ngo / /de bzhin

_{iiif viewer powered by OpenSeadragon}

99b - 100b

Texts on this page