| e-texts navigator |
| བོད་ཡིག |
342a1 ye shes mnga' ba'i de bzhin gshegs pas shin tu mkhas pa'i thabs kyis shes rab kyi sgron ma btsugs te/ byang chub sems dpa' dag mya ngan las 'das pa'i rtag pa dang / bde ba dang / bdag dang / yongs su dag pa mthong bar byas so/ /de bas na shes rab can
342a2 gyis mya ngan las 'das pa 'di la thog ma med pa da ltar yod par 'gyur ro zhes brjod par mi bya'o/ /rigs kyi bu khyod kyis bkod pa'i rgyus mya ngan las 'das pa 'grub pa mi rtag go zhes bya ba de mi rung ngo / /de ci'i slad du zhe na/ rigs kyi bu mya ngan las 'das pa'i ngo bo nyid ni skye ba ma yin/
342a3 byung ba ma yin/ bden pa ma yin pa ma yin/ las su byas nas skyes pa ma yin/ zag pa dang 'dus byas kyi chos ma yin/ thos pa ma yin mthong ba ma yin/ ltung ba ma yin 'ching ba ma yin/ mtshan nyid tha dad pa ma yin/ mtshan nyid gcig pa ma yin/ 'gro ba ma yin/ ldog
342a4 pa ma yin 'das pa ma yin/ ma 'ongs pa dang / da ltar ma yin gcig pu ma yin/ mang po ma yin ring po ma yin/ thung ngu ma yin/ zlum po ma yin gru bzhi ma yin/ smyung smyung po ma yin/ snrel zhi ma yin/ mtshan nyid ma yin 'du shes ma yin/ ming ma yin gzugs ma yin rgyu
342a5 ma yin/ 'bras bu ma yin bdag dang bdag gi ma yin no/ /de lta bas na mya ngan las 'da' ba ni rtag pa mi 'gyur mi 'pho ba ma yin te de bas na bskal pa tshad med grangs med pa'i bar du dge ba'i chos sgrub cing bsgoms pas yongs su brgyan na gdod mthong bar 'gyur ro/ /rigs kyi bu
342a6 dper na sa'i 'og ni chu yon tan brgyad dang ldan pa yod kyang / sems can thams cad kyis thob par mi rung ngo / /shes rab can la la zhig gis las su byas te brkos na gzod thob par 'gyur ba ltar mya ngan las 'das pa yang de dang 'dra'o/ /dper na dmus long dag nyi ma dang zla ba
342a7 mi mthong ste/ sman pa mkhas pas sman byas na snang zhing mthong bar 'gyur te nyi ma dang zla ba de yang sngon med la da lta yod pa ma yin no/ /mya ngan las 'das pa yang de dang 'dra ste/ thog ma nas yod pa yin gyi da ltar gzod yod pa ma yin no/ /rigs kyi bu ji ltar nyes pa byas pa dag
iiif viewer powered by OpenSeadragon
Texts on this page
D119 - 'phags pa yongs su mya ngan las 'das pa chen po'i mdo