rKTs

e-texts navigator

Volume

Page

249b₁ thos dang rang sangs rgyas thams cad la blta'o/ /ngan pa mi gtsang ba'i snod ji lta ba de bzhin du byis pa so so'i skye bo thams cad la blta'o/ /rab 'byor gyis smras pa/ 'jam dpal rnam grangs gang gis gang dag snod du gyur pa de dag snod ma yin par 'gyur ba dang / gang
249b₂ dag snod ma yin pa de dag snod du gyur pa'i rnam grangs yod dam/ 'jam dpal gyis smras pa/ btsun pa rab 'byor yod do/ /rab 'byor gyis smras pa/ rnam grangs gang gis na gang dag snod du gyur pa de dag snod ma yin par 'gyur ba dang / gang dag snod ma yin pa
249b₃ de dag snod du gyur pa yin/ 'jam dpal gyis smras pa/ btsun pa rab 'byor gang la la nyon mongs pa thams cad kyi snod du gyur pa bag chags kyi mtshams sbyor ba ma bcom pa de dag ni sangs rgyas kyi chos rnams kyi snod du ma gyur pa'o/ /btsun pa rab 'byor gang
249b₄ dag nyon mongs pa thams cad kyi snod du ma gyur pa bag chags kyi mtshams sbyor ba bcom pa de dag ni sangs rgyas kyi chos rnams kyi snod du gyur pa'o/ /rab 'byor gyis smras pa/ 'jam dpal snod du ci zhig gzhug par bya/ 'jam dpal gyis smras pa/ btsun
249b₅ pa rab 'byor ci yang ma yin no/ /de ci'i phyir zhe na/ gang gi tshe byang chub sems dpa' gzhug pa med pa dang / dbyung ba med pa la spyod pa de'i tshe snod kyi snying por rig par bya'o/ /gang gi tshe gzhug pa dang dbyung ba la spyod pa de'i tshe snod chag par rig par bya'o/ /
249b₆ btsun pa rab 'byor 'di lta ste/ dper na nam mkha' ni rtswa dang / shing gel pa dang / sman dang / nags tshal thams cad kyi snod ces kyang bya la gang gi snod kyang ma yin no/ /btsun pa rab 'byor de bzhin du byang chub sems dpa' yang sangs rgyas kyi chos thams cad kyi snod
249b₇ ces kyang bya la gang gi snod kyang ma yin no/ /btsun pa rab 'byor 'di lta ste/ dper na sa las skyes pa'i shing rnams ni snod nam mkha' yin pas rnam par skye'o/ /btsun pa rab 'byor de bzhin du lhag pa'i bsam pa las skyes pa'i byang chub sems dpa' rnams kyang snod

_{iiif viewer powered by OpenSeadragon}

249a - 250a

Texts on this page