rKTs

e-texts navigator

Volume

Page

249a₁ dang / zhe sdang dang / gti mug dang / bag la nyal ba dang / kun du dkris te 'dug pa dang / nyon mongs pa dang nye ba'i nyon mongs pa thams cad spangs pa de dag ni sangs rgyas kyi chos rnams kyi snod du ma gyur pa'o/ /btsun pa rab 'byor gang
249a₂ dag 'dod chags kyis chags pa yang ma yin la 'dod chags spyod par yang ston pa/ zhe sdang gis sdang ba yang ma yin la zhe sdang spyod par yang ston pa/ gti mug gis rmongs pa yang ma yin la gti mug spyod par yang ston pa/ nyon mongs pa dang yang bral la khams
249a₃ gsum du yang snang ba/ sems can thams cad la byams pa/ ma khengs pa/ ma zhum pa/ sems can thams cad kyi khur khyer ba/ de bzhin nyid kyi rjes su song ba/ dkon mchog gsum gyi gdung mi 'chad par bya ba'i phyir zhugs pa/ rig pa gsum
249a₄ dang ldan pa/ rig pa mngon du gyur pa de dag ni sangs rgyas kyi chos rnams kyi snod du gyur pa'o/ /rab 'byor gyis smras pa/ 'jam dpal gal te/ chos kyi dbyings kyang gcig /de bzhin nyid kyang gcig /yang dag pa'i mtha' yang gcig na snod dam snod
249a₅ ma yin pa de ji ltar mngon/ 'jam dpal gyis smras pa/ btsun pa rab 'byor 'di lta ste/ dper na rdza mkhan gyis 'jim pa'i gong bu gcig las snod rnam pa sna tshogs byas te/ snod de thams cad so gcig tu btang na/ de la kha cig ni 'bru mar dang mar gyi snod
249a₆ du 'gyur/ kha cig ni sbrang rtsi dang li kha ra'i snod du 'gyur/ kha cig ni ngan pa mi gtsang ba'i snod du 'gyur te/ 'jim pa'i gong bu de dang so btang ba la ni tha dad pa kyang med do/ /btsun pa rab 'byor de bzhin du chos kyi dbyings kyang gcig /de bzhin nyid kyang gcig /
249a₇ yang dag pa'i mtha' yang gcig mod kyi/ ji ltar las mngon par 'du byas pa bzhin du snod kyi khyad par du 'gyur ro/ /de la sbrang rtsi dang / li kha ra'i snod ji lta ba de bzhin du byang chub sems dpa' thams cad la blta'o/ /'bru mar dang mar gyi snod ji lta ba de bzhin du nyan

_{iiif viewer powered by OpenSeadragon}

248b - 249b

Texts on this page