| e-texts navigator |
| བོད་ཡིག |
248b1 nyan thos dang / rang sangs rgyas thams cad ni byang chub sems dpa' dang ldan pa'i gtam gyi snod du gyur pa ma yin na/ btsun pa rab 'byor byang chub sems dpa' dang ldan pa'i gtam cir dgos/ rab 'byor gyis smras pa/ 'jam dpal 'dir gang snod du gyur pa 'byung
248b2 ba de dag la khyod kyis shod cig / 'jam dpal gyis smras pa/ tshe dang ldan pa rab 'byor 'di na snod du gyur pa ni gang dag yin/ snod du ma gyur pa ni gang dag yin shes sam/ rab 'byor gyis smras pa/ 'jam dpal bdag ni gzhan gyi sgra'i rjes su 'brang ba yin pas snod
248b3 dang snod ma yin pa lta ci shes mod kyi 'on kyang 'jam dpal khyod byang chub sems dpa' dang ldan pa'i gtam brtsam par spobs par gyis shig / 'jam dpal gyis smras pa/ btsun pa rab 'byor gang su dag skyon med pa la zhugs pa de dag thams cad ni sangs rgyas kyi chos
248b4 rnams kyi snod du ma gyur pa'o/ /btsun pa rab 'byor gang dag skyon med pa la yang rtog cing sems can rnams la yang lta la skyon med par yang mi ltung zhing skyon dang yang lhan cig mi gnas pa de dag ni sangs rgyas kyi chos rnams kyi snod du gyur pa'o/ /btsun pa rab 'byor
248b5 gzhan yang gang dag mtshams la gnas par gyur pa/ slob pa dang mi slob pa'i chos la zhugs pa/ sems can thams cad la btang snyoms pa/ srid pa la me 'bar ba lta bur lta ba/ yid yongs su skyo ba/ khams gsum thams cad kyis skrag pa/ skad cig tsam
248b6 yang srid pa mngon par 'grub par mi dga' ba de dag ni sangs rgyas kyi chos rnams kyi snod du ma gyur pa'o/ /btsun pa rab 'byor gang dag phyi ma'i mtha'i bskal pa bye bar go cha bgos pa/ srid pa thams cad kyis mi 'jigs mi dngang ba/ khams gsum spyod yul ba/ dri ma
248b7 gsum dang bral ba/ 'khor ba la skyed mos tshal dang gzhal med khang du 'du shes pa/ srid pa 'dod cing srid pa thams cad la chags pa dang bral ba de dag ni sangs rgyas kyi chos rnams kyi snod du gyur pa'o/ /btsun pa rab 'byor gzhan yang gang dag 'dod chags
iiif viewer powered by OpenSeadragon
Texts on this page
D117 - 'phags pa dkon mchog gi za ma tog ces bya ba theg pa chen po'i mdo