rKTs

e-texts navigator

Volume

Page

197a₁ pa'i phyir slar 'jig rten gyi khams de nyid du 'dong ngo / /shA ri'i bu sangs rgyas kyi zhing de ni sangs rgyas kyi zhing gi yon tan bkod pa rnam pa de lta bu dag gis legs par brgyan pa'o/ /shA ri'i bu gzhan yang 'jig rten gyi khams bde ba can na ngang pa dang /
197a₂ khrung khrung dang / rma bya dag yod pa de dag kyang nyin lan gsum/ mtshan lan gsum 'dus nas yang dag par bgro bar byed de/ rang rang gi skad dag gis smra'o/ /de dag smra ba na dbang po dang stobs dang / byang chub kyi yan lag gi sgra dag 'byung ngo / /sems
197a₃ can gang dag der skyes pa de dag gis sgra de thos nas sangs rgyas yid la byed pa skye/ chos yid la byed pa skye/ dge 'dun yid la byed par skye'o/ /shA ri'i bu 'di ji snyam du sems/ sems can de dag dud 'gro'i skye gnas su gyur pa yin snyam du sems pa lta na
197a₄ de ltar mi blta'o/ /de ci'i phyir zhe na/ shA ri'i bu sangs rgyas kyi zhing de na sems can dmyal ba dang / dud 'gro'i skye gnas dang / gshin rje'i 'jig rten du skye ba'i ming yang med do/ /bya'i tshogs de dag ni de bzhin gshegs pa tshe dpag med de nyid kyis chos
197a₅ kyi sgra dbyung ba'i phyir sprul pa dag go/ /shA ri'i bu sangs rgyas kyi zhing de ni sangs rgyas kyi zhing gi yon tan bkod pa rnam pa de lta bu dag gis legs par brgyan pa'o/ /shA ri'i bu gzhan yang sangs rgyas kyi zhing de'i ta la'i phreng ba de dag dang / dril bu g.yer
197a₆ ka'i dra ba de dag la rlung gis phog cing rlung gis bskyod na sgra snyan pa yid du 'ong ba/ nyams dga' ba 'byung ste/ 'di lta ste dper na/ rol mo mkhan gyis yan lag bye ba 'bum dang ldan pa'i lha'i sil snyan blangs pa bzhin no/ /der mi de dag gis sgra de thos nas sangs
197a₇ rgyas rjes su dran pa dang / chos rjes su dran pa dang / dge 'dun rjes su dran pa lus la gnas so/ /shA ri'i bu sangs rgyas kyi zhing de ni sangs rgyas kyi zhing gi yon tan bkod pa'i rgyan rnam pa de lta bu dag gis legs par brgyan pa'o/ /shA ri'i bu 'di ji snyam du sems/

_{iiif viewer powered by OpenSeadragon}

196b - 197b

Texts on this page