rKTs

e-texts navigator

Volume

Page

59b₁ ma lags so/ /bka' stsal pa/ gang sos ka dang / dbyar dang / ston dang / dgun dang / dgun smad dang / dpyid kyi dus tshigs de dag la khyod ji snyam du sems/ de dag kyang tshangs pa khyod kyis byas shing khyod kyis sprul pa dang khyod kyis byin gyis brlabs pa yin
59b₂ nam/ gsol pa bcom ldan 'das ma lags so/ /bka' stsal pa/ tshangs pa gang chu'am/ me long gi dkyil 'khor ram/ 'bru mar dang mar gyi snod dam/ nor bu dang shel rnams kyi nang ngam/ de las gzhan pa'i snod dag pa rnams la gzugs brnyan rnam pa sna
59b₃ tshogs snang ba 'di lta ste shing ljon pa dang nags tshal dang kun dga' ra ba dang skyed mos tshal dang gzhal med khang snang ba'am/ grong dang grong khyer dang grong rdal snang ba'am/ glang po che dang / rta dang / rnga mo dang / ba lang dang / bong bu dang / lug dang / dang /
59b₄ bya rnams snang ba'am/ zla ba dang nyi ma dang skar ma'i tshogs rnams snang ba'am/ nyan thos dang rang sangs rgyas dang byang chub sems dpa' dang de bzhin gshegs pa'i sku snang ba'am/ sa dang ri dang klung snang ba'am/ brgya byin dang tshangs pa dang 'jig rten skyong ba dang de
59b₅ las gzhan pa'i sems can mi dang mi ma yin pa snang ba de dag tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam gsol pa bcom ldan 'das ma lags so/ /bka' stsal pa/ tshangs pa g.yang sa dang ri dang ri'i 'bab chu dang
59b₆ rdzing rnams na dung dang rnga bo che dang rdza rnga dang glu gar dang dang bya dang mi dang / mi ma yin pa rnams kyi sgra'i brag ca dang / gang de dang 'thun pa'i sgra brnyan 'byung ba de dag kyang tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/
59b₇ gsol pa/ bcom ldan 'das ma lags so/ /bka' stsal pa/ tshangs pa gang sems can rnams kyi rmi lam na gzugs sna tshogs mthong ba dang / sgra sna tshogs thos pa dang / dri sna tshogs snom pa dang / ro sna tshogs myong ba dang / reg bya sna tshogs reg pa dang /

_{iiif viewer powered by OpenSeadragon}

59a - 60a

Texts on this page