| e-texts navigator |
| བོད་ཡིག |
59a1 bsgrub par bgyi ba bdag la bka' stsal du gsol/ de skad ces gsol pa dang / bcom ldan 'das kyis tshangs pa chen po la 'di skad ces bka' stsal to/ /tshangs pa khyod nga ni tshangs pa/ tshangs pa chen po zil gyis gnon cing zil gyis mi non pa kun
59a2 shes pa dang ldan pa brgya phrag bcu la dbang bsgyur ba yin te/ bdag gis sems can rnams byas/ bdag gis sems can rnams sprul/ bdag gis 'jig rten byas/ bdag gis 'jig rten sprul to zhes de snyam du sems shing de skad zer zhe na bden nam/ gsol
59a3 pa bcom ldan 'das mad do/ /bde bar gshegs pa mad do/ /bka' stsal pa/ tshangs pa khyod sus byas/ sus sprul/ de nas tshangs pa chen po cang mi smra bar gyur to/ /tshangs pa chen po de cang mi smra bar gyur pa dang / bcom ldan 'das kyis 'di skad ces
59a4 bka' stsal to/ /tshangs pa gang gi tshe bskal pas bsregs pa de'i tshe stong gsum gyi stong chen po'i 'jig rten gyi khams 'di 'bar rab tu 'bar/ kun tu 'bar/ kun tu rab tu mched cing 'bar te me lce gcig tu gyur par 'gyur ba'i dus de dang tshe de 'byung ba de tshangs pa
59a5 khyod nyid kyis byas sam/ khyod kyis sprul tam/ gsol pa/ bcom ldan 'das ma lags so/ /bka' stsal pa/ tshangs pa gang sa chen po 'di ni chu'i phung po la brten/ chu yang rlung la brten/ rlung yang nam mkha' la brten te 'phang du dpag tshad drug khri brgyad
59a6 stong yod cing mi 'jig pa de la ji snyam du sems/ 'di khyod kyis byas shing khyod kyis sprul tam/ gsol pa/ bcom ldan 'das ma lags so/ /bde bar gshegs pa ma lags so/ /bka' stsal pa/ tshangs pa gang nyi ma dang zla ba'i gzhal med khang na lha'i
59a7 bu dag lam me ma yin/ lhan ne ma yin zhing gzhal med khang rnams stong par 'khod pa'i dus de dang tshe de 'byung ba de la ji snyam du sems/ tshangs pa de dag khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa bcom ldan 'das
iiif viewer powered by OpenSeadragon
Texts on this page
D111 - 'phags pa snying rje chen po'i pad ma dkar po zhes bya ba theg pa chen po'i mdo