| e-texts navigator |
| བོད་ཡིག |
99b1 cad kyang rang gi rnam par rtog pa'i spyi'i mtshan nyid la rab tu rnam par 'byed pa med pa dang / gzugs kyi mtshan nyid la mngon par chags pas snang ngo / /de la 'di skad ces bya ste/ sgyu mar med min chos 'thun pas/ /dngos po rnams ni yod par brjod/ /log par myur ba'i glog 'dra bas/ /
99b2 de phyir sgyu ma lta bur shes/ /yang blo gros chen pos gsol pa/ gang 'di bcom ldan 'das kyis dngos po thams cad ni ma skyes pa dang / sgyu ma lta bu'o zhes kyang gsungs te/ bcom ldan 'das de skad du bka' stsal pa dngos po rnams skye ba med pa la sgyu ma lta bur brjod na khyod kyi tshig snga phyi 'gal
99b3 ba'i nongs par 'gyur gor ma chag / bcom ldan 'das kyis bka' stsal pa/ blo gros chen po ngas dngos po rnams skye ba med pa la sgyu ma lta bur brjod pa ni tshig snga phyi 'gal ba'i nyes par mi 'gyur ro/ /de ci'i phyir zhe na/ 'di lta ste/ skye ba dang / skye ba med pa dang rang gi sems snang ba tsam
99b4 du rtogs pa dang / phyi rol gyi dngos po dang / dngos po yod pa dang med pa las mi skye bar mthong bas na/ blo gros chen po nga'i tshig snga phyi 'gal ba'i nyes par mi 'gyur ro/ /blo gros chen po de ni mu stegs byed kyi rgyu'i phyogs las skye ba gzhig pa'i phyir dngos po thams cad sgyu ma lta bur ma skyes
99b5 pa zhes bya'o/ /blo gros chen po mu stegs byed glen pa'i sde rnams ni dngos po rnams yod pa dang med pa las skye bar 'dod de/ rang gi rnam par rtog pa sna tshogs la mngon par chags pa'i rkyen las ni ma yin no/ /blo gros chen po nga yi ni yod na yang ma yin/ med na yang mi skye'o/ /des na de'i
99b6 phyir blo gros chen po skye ba med pa'i tshig nyid du brjod do/ /yang blo gros chen po dngos por bstan pa ni 'khor ba yongs su gzung ba dang / med do zhes chad pa bzlog pa dang / nga'i slob ma rnams las sna tshogs kyis skye ba'i gnas yongs su gzung ba'i phyir te/ dngos po'i sgra gzung bas ni
99b7 'khor ba yongs su gzung bar bya'o/ /blo gros chen po byis pa so so'i skye bo 'di dag lta ba ngan pa'i mtshan nyid la mngon par chags shing / chos thams cad kyi yang dag pa gnas pa ji lta ba bzhin ma yin par mthong bas bdag dang gzhan la slu bar gyur ta re zhes sgyu ma lta bu'i dngos po'i rang bzhin
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo