rKTs

e-texts navigator

Volume

Page

99a₁ ni skyes bu gzhan gyi rig sngags kyi mthus 'byung ste/ rang gi rnam par rtog pa'i gnas ngan len gyi bag chags kyi mthu las ni ma yin no/ /de bas na de'i phyir de ni nyes pa 'thob par byed pa ma yin te/ de ni blo gros chen po gang ci yang rung ba'i mngon par chags pas byis pa rnams
99a₂ mtshan mar lta bas slu ba tsam ste/ 'phags pa rnams la ni ma yin no/ /de la 'di skad ces bya ste/ 'phags pas nor pa mi mthong ste/ /yang dag pa yang skabs der min/ /gang phyir skabs der yang dag na/ /nor pa yang dag nyid du 'gyur/ /nor pa thams cad spangs nas kyang / /
99a₃ gal te mtshan mar skyer zin na/ /de nyid de yi nor pa ste/ /rab rib yongs su ma dag bzhin/ /gzhan yang blo gros chen po sgyu mar med pa ma yin pa dang chos 'thun pa mthong bas ni chos thams cad sgyu ma lta bu ma yin no/ /blo gros chen pos gsol pa/ bcom ldan 'das ci sgyu ma sna tshogs la
99a₄ mngon par chags pa'i mtshan nyid kyis chos thams cad sgyu ma lta bu lags sam/ de ste log pa la mngon par chags pa'i mtshan nyid kyis lags/ bcom ldan 'das gal te sgyu ma sna tshogs la mngon par chags pa'i mtshan nyid kyis dngos po thams cad sgyu ma lta bu lags na ni/ bcom ldan 'das
99a₅ 'o na dngos po rnams sgyu ma lta bu ma lags so/ /de ci'i slad du zhe na/ 'di lta ste/ gzugs kyi mtshan nyid sna tshogs rgyu med par mthong ba'i slad du ste/ bcom ldan 'das gang gis sgyu ma bzhin du gzugs kyi mtshan nyid sna tshogs kyi rnam par snang bar 'gyur ba'i rgyu gang yang ma mchis so/ /des na
99a₆ de'i phyir bcom ldan 'das sgyu ma sna tshogs kyi mtshan nyid la mngon par chags pa dang / chos 'thun pas dngos po rnams sgyu ma lta bu ma lags so/ /bcom ldan 'das kyis bka' stsal pa/ blo gros chen po sgyu ma sna tshogs kyi mtshan nyid la mngon par chags pa dang / chos 'thun pas chos thams
99a₇ cad sgyu ma lta bu ma yin mod kyi/ blo gros chen po log pa myur ba'i glog dang 'dra bar chos 'thun pas chos thams cad sgyu ma lta bu'o/ /blo gros chen po 'di lta ste/ glog 'gyu ba skad cig tu 'jig pas zhig par lta bas mthong ba ni byis pa rnams la mi snang ste/ de bzhin du blo gros chen po dngos po thams

_{iiif viewer powered by OpenSeadragon}

98b - 99b

Texts on this page